1994 – 2014: IMYAKA 20 U RWANDA RUGUSHIJE ISHYANO RYO KUYOBORWA N'ISHYAKARYA FPR – KAGAME (igice cya 9, ari na cyo cya nyuma)

Publié le par veritas

Abayobozi bose twakoze nabi uretse mwebwe Nyakubahwa Perezida wa Repubulika : Habumuremyi Pierre Damien, Minisitiri w'Intebe wasezerewe tariki ya 23.07.2014.
 
9.KURWANYA NO GUKUMIRA GENOCIDE N’INGENGABITEKEREZO YAYO.
Museveni na Kagame barasangira ikirahuri cy'amaraso ya rubanda bamennye !

Museveni na Kagame barasangira ikirahuri cy'amaraso ya rubanda bamennye !

Iyi nyandiko ije isoza izindi 8 zayibanjirije, mu rwego rwo kwerekana akaga Abanyarwanda bamazemo imyaka isaga 20, kuva mu gihugu himitswe ingoma ngome ya FPR-Kagame. Nk’uko nakunze kubitsindagira, byaragaragaye ko Inkotanyi zakoze amahano ndengakamere ashingiye ku bwicanyi, ku busahuzi n’ibinyoma biteye ubwoba umuntu atashoboraga no kuba yarota, kandi nyamara zari (inkotanyi) zarijeje ibitangaza isi yose ubwo zashyiraga ahagaragara programu ya politiki zimirije imbere.
 
Nerekanye ibimenyetso bifatika by’ukuntu FPR yatatiye inshingano zose zikubiye mu mahame remezo yavugaga ko izagendereho, ibyo bikaba byagombye kwemeza abaribagishidikanya, ko mu by’ukuri FPR itahagurukijwe no kugoboka igihugu n’abagituye, ko ahubwo yari igamije kurema agatsiko gakora nka Mafiya, mu mugambi mubisha wo gufata no kwikubira ubutegetsi bwose, kakabugira igikoresho cyo kwigwizaho imitungo, kabone n’iyo byahitana imbaga y’Abanyarwanda, baba Abatutsi, baba Abahutu, ndetse n’Abaturanyi babo mu karere k’Ibiyaga Bigari.
 
Mbere yo kugeza ku basomyi iby’ihame rya 9 ku buryo burambuye, reka mbanze nisegure : birazwi ko iyo uvuze jenoside uko Leta idashaka uba ngo uyipfobeje. Mbanje kwisegura rero kuko jyewe simpfobya jenoside, sinayipfobya kandi yarabaye. Ariko munyemerere mbaganirire ku byihishe inyuma y’iri hame rya 9 rya FPR, mbereke abapfobya jenoside y’Abatutsi (nk’uko bayise) abo ari bo, bakayipfobereza mu yindi jenoside batangije mu mwaka w’1990 mu turere twa Byumba na Ruhengeri, bakayikomereza imbere mu gihugu hose kuva mu mwaka w’1994, no hanze yacyo, cyane cyane muri Kongo yahoze yitwa Zayire.
 
Nimumenyeko FPR n'agaco kayo bafite ingengabitekerezo 2: iyo kwica abatutsi bakoresheje abahutu, n’iyo kurimbura abahutu burundu (discours ya Museveni i Kigali ku wa 7 Mata 2014 ubwo bizihizaga imyaka 20 bafashe ubutegetsi ku ngufu).
 
Izi ngengabitekerezo zombi  ziri mu mugambi wo kubaka Empire Hima. Mu magambo make Empire Hima ni Ingoma Hima-Tutsi ifite gahunda yo gufata ubutegetsi no gushinga ibirindiro byo kuzahirika leta z’aba Bantu (abahutu) i Burundi, mu Rwanda, Tanzaniya, Kenya no muri RDC, nyuma bagashinga ubwami bugari bw’abatutsi, aho ba Bantu bagombaga gusubira ku kabo ko kuba abacakara (Ibi bishimangirwa n’ubushakashatsi bwa Noel Ndunyuzwe). Reka tubisesengure mu magambo avunaguye.
 
1.Abafite ingengabitekerezo ya Empire Hima nibo bazanye ingengabitekerezo ya Jenoside
 
►FPR imaze guhanura indege ya Habyarimana muri 1994,  Jenoside yahise ikurikiraho, hari abahutu bagiye bahisha abatutsi hamwe na hamwe.
 
►Ubwo FPR yazaga kwica abanyeshuri b' Inyange ku Kibuye babasabye kwivangura abahutu ukwabo n'abatutsi ukwabo abana baranga.
 
►Mu manza za gacaca nyinshi, kimwe no mu nkiko zisanzwe, abatutsi benshi bagiye bashinjura abahutu kuko babaga bazi ko babeshyewe. Bene aba batutsi Leta ya FPR yagiye ibikoma cyane ngo ni ibigoryi, bamwe bakavanwa ku murimo, ndetse hakaba n’abicwa, etc. 
 
Izi ngero uko ari 3, n'ubwo abanyarwanda bose bari mu Rwanda basinyishwa ko bari muri FPR, ziratwereka ko batazi umugambi wa Empire Hima igamije gutsemba abahutu bose bo mu karere k'ibiyaga bigari, ko batanawitayeho, kandi ko batawushyigikiye. Niyo mpamvu nyamukuru yatumye FPR yarakoze uko ishoboye kose ngo jenoside yemerwe vuba ku rwego mpuzamahanga. Amahanga rero yayemeye bwangu kuko yari azi neza ko abonye ikizayageza kuri Empire Hima, uburyo bushya bwo gukomeza kudukoroniza. Mugushyira Empire Hima mu bikorwa , ingengabitekerezo nyamukuru yari iyo kubona icyaha cy’inkomoko bashyira ku bahutu bose, kandi ubu bibwirako babigezeho kuko bahise bazana “ndi umunyrwanda” ngo abasigaye n'abazavuka bazapfe basaba imbabazi abatutsi ubuziraherezo.
 
Icyaha cyiswe ingengabitekerezo ya genoside cyashyiriweho gucecesha umuntu wese ugerageje kuvuga ibitagenda ku ruhande rwa FPR. Ni uburyo ndengakamere bwo gutera ubwoba abanyarwanda, bagasigara batekereza gusa uko FPR ibishaka. Duhereye ku kiganiro Noheli Ndanyuzwe aherutse kunyuza kuri radio ikondera ku wa 20 / 07 / 2014, dusanga FPR yarashyizeho uburyo bwo gucecekesha burundu abantu bose bashobora kubangamira gahunda ndende yo gushinga Empire Hima mu Karere k'ibiyaga bigari. Ni muri urwo rwego abacurabwenge ba FPR bacuze icyaha kizakomeza gutsikamira abatavuga rumwe nayo. Bityo haba mu mikorere, mu mvugo no mu mitekerereze bagahora bigengesera ngo badakanga rutenderi, bakavaho bicwa. Nibwo bacuze icyaha bise “ingengabitekerezo ya jenoside”.
 
Icyaha cy'ingengabitekerezo ya jenoside cyatangiye abantu bibwira ko kije kizaguma gusa ku bahutu, ariko muri iyi myaka 20 Minisitiri w'Intebe yasanze abakozi bose barakoze nabi (ngo uretse Perezida Polo wenyine) kubera ko iki cyaha cyadukiriye kigashyirwa no ku batutsi. Kurwanya ingengabitekerezo ya jenoside mu byukuri byahindutse kurwanya umuntu wese aho ava akagera utemera itsikamirwa FPR ikorera abantu ishaka kubagira abacakara bayo mu mugambi mubisha wo gushyira mu bikorwa ingengabitekerezo yabo yo gukora Empire Hima. Umuntu wese ushyize ukuri ahagaragara yaba umuhutu, yaba umututsi, yaba umunyamahanga (urug. Peter Erlinder si umuhutu) ahita ashyirwaho icyaha cy'ingengabitekerezo ya jenoside.
 
2.Jenoside mu Rwanda, igikoresho cy' ingengabitekerezo ya Empire Hima
 
Disikuru ya Perezida Museveni i Kigali mu isabukuru y'imyaka 20 FPR imaze ishinja abantu icyaha gihimbano cy'ingengabitekerezo, kimwe n'andi madisikuru Perezida Kagame amaze iminsi ahuragura yigamba ko ntawe umurusha ubugome, aratwereka ko FPR mu by'ukuri igendera ku ngengabitekerezo ya Empire Hima, ikitwaza jenoside yo mu Rwanda ngo irusheho gupyinagaza abazabangamira uwo mugambi mubisha. FPR yashyizeho ubucamanza bwihariye bwo kuboha umuhutu, aho kuburanisha ibirego akenshi by'ibitekinikano, Magorwa aba atemerewe kwisobanura.
 
Ubwo bucamanza bucuramye babwitiriye Gacaca. Barayibwitiriye kuko Gacaca nyayo, Gacaca nyarwanda, imwe bicaraga mu gacaca bagacoca amagambo itarenganyaga. Mu gukoresha jenoside nk'ingengabitekerezo ya Empire Hima, FPR-KAGAME yashyizeho kandi gahunda ngome yo kuzirika n'umututsi wese babona ko yayibangamira mu gihe ashaka gukoresha ukuri: kubera ko bitakororehera FPR kumushyira muri ya gacaca, baramutoteza, bakamufunga cyangwa bakamwica, ariko mu byukuri aba azizwa ko afite ingengabitekerezo ya jenoside!!. Ibi bigatuma rero abantu bose batavuga rumwe n'agatsiko k'abantu bake, bahora mu ihahamuka ridashira.
 
Muri iki gihe rero FPR ifite ibibazo bikomeye kuko yavumbuwe ko yica gahunda nkana gahunda zayo zizwi, kugira ngo izagere ku mugambi ba mpatsibihugu bahisemo kuyikoresha kugira ngo bibonere amasoko n'abavuga indimi zabo. Umushakashatsi witwa Kintu Remigius yabivuze neza mu buhamya yatanze Arusha bukubiye mu nyandiko ye yitwa “THE TRUTH BEHIND THE RWANDA TRAGEDY” ku wa 20 / 03 / 2005 aho yagaragaje ko FPR yamye iri muri gahunda yo gushyiraho Empire Hima, ko ako gaco ari ko kari gafite ahubwo ingengabitekerezo yo kwica cyangwa kurimbura ikitwa umuhutu cyose. 
 
Shitani rero yarabakoresheje maze uwari Perezida wa USA, Bill Clincton, agwa ku muntu umeze nka Paul Kagame utagira gushishoza na guke, uhubuka muri byose, uzira kumva inama nzima, bamuha kuyobora iyo gahunda ndende imusumbije ubugome (http://africaboyebi.com/the-blackmail-of-a-bill-clinton-kagame/). Iyi ngengabitekerezo ya Empire Hima kandi ntabwo ibangamiye abanyarwanda gusa ahubwo inabangamiye na bimwe mu bihugu by'Afurika.
 
Mu nama yabereye i Paris mu Ugushyingo 1998, Kabila père na Mugabe beruriye Museveni na Kagame ko bafite ingengabitekerezo yo kubaka Empre Hima (the two leaders had an open bitter exchange of words in Paris during a conference of African statesmen hosted by former French President Jacques Chirac. DRC leader the late Laurent Kabila And Mugabe of Zimbabwe had accused Museveni and Kagame of Rwanda of a hidden plot to build a Hima-Tutsi empire) http://www.newzimbabwe.com/pages/powell13.11729.html .
 
Kugeza n'uyu munsi Kagame ntarabona ko Minisitiri w'intebe Habumuremyi P. D. yamuciye umugani: ni we ubwe ukora nabi kuko kutajya mu bikorwa kwa gahunda izwi ya FPR cyangwa ya Leta ari we wenyine biturukaho kubera bwa buhangange bwe (l'homme fort) twavuzeho mu ihame rya 8. Iyo aza kuba muzima, arya mahame 8 twabonye yari gushyirwa mu by'ukuri mu bikorwa neza, bityo iyi ya 9 ntaho yari gukenerwa.
 
Ntitwaba twibeshye rero tuvuze ko muri iyi myaka 20 ishize, icyaha cy'ingengabitekerezo ya jenoside dusanga cyarabaye igikangisho n'igikoresho biganisha ku mugambi wa Empire Hima, umugambi mu by'ukuri udafite icyo umariye abanyarwanda uretse gukomeza kubaryanisha, kubakenesha, kubica no kubasahura uduke Imana yari yarabihereye.
 
UMWANZURO
 
Ibuye ryagaragaye ntiriba rikishe isuka,  kereka habayeho uburangare bukomeye. Twaraburiwe bihagije, ahubwo abatuburiye bagiye gutangira kuduseka, niba dukomeje kurebera ubutegetsi butuganisha mu Rwabayanga. Umwanditsi Bangamwabo Abel yigeze atangaza inkuru yise “BAZUMVARYARI”. Uyu munsi Kintu na Noheli barasa n'abatubaza igihe tuzumvira mu gihe baduhishuriye kera ko FPR ifite ingengabitekerezo ndende yo kongera kuduhekura mu minsi iri imbere. Erega na Mapping report ya LONI iratuburira kandi igakumira uyu mugambi kirimbuzi wibasiye akarere kose.
 
Leta ya Kagame igomba kurekera aho guhahamura abaturage ibakangisha kubagerekaho icyaha cy'ingengabitekerezo ya genoside, icyaha kitagira ibimenyetso, icyaha kigira ireme ritewe n'uko “umukozi” wenyine Paul Kagame yabyutse! Abanyarwanda dukwiye gutinyuka tukamaganira kure umuntu udutwerera icyaha cye. Nk'uko tumaze kubibona, Perezida Kagame n'agatsiko ke nibo bafite ingengabitekerezo ya jenoside cyane ko ari yo nzira biyemeje yo kuzabageza kuri Empire Hima, bakaba babigereka nkana ku banyarwanda bashaka kwikiza.
 
Byumwihariko ariko, Abanyamashyaka baharanira impinduka, cyane cyane abagize CPC barasabwa gufatira ingamba mu maguru mashya iyi ngengabitekerezo, bagasobanurira  Abanyarwanda ko batagomba gukomeza gutinya gutanga ibitekerezo byabo, cyane cyane kubyo babona bitagenda mu miyoborere y’igihugu cyacu. Mu gihe kandi yabona Kagame akomeje gutinza ibintu, CPC ikwiye gukoresha byihuse imvugo Kagame yumva.
 
Ni mucyo tugane CPC, tuyishyigikire twivuye inyuma, cyane ko benshi mu banyarwanda bamaze kuyimenya kandi n'amahanga akaba ayishyigikiye. Ni yo kugeza ubu imaze kugaragaza ubushobozi bwo kuzadukuraho icyasha cy'icyaha cy'ingengabitekerezo ya jenoside FPR-KAGAME ishyira ku nzirakarengane, no gukumira Empire Hima.
 
Muri make, hariho ingengabitekerezo y'ishyirwaho rya Empire Hima; hakabaho n'icyaha cy'ingengabitekerezo ya jenoside cyacuzwe na FPR-KAGAME ngo kijye kigerekwa ku muntu uwo ari we wese babona wabangamira ishyirwaho ry'iyo Empire Hima, ariko mu byukuri nta munyarwanda ufite ingengabitekerezo ya jenoside, ahubwo bifitiye ubwoba bwo guhangana n’agatsiko ka Kagame. Uyu akaba ari umwanya ukomeye wo gushima abanyarwanda batangiye no kwitandukanya na FPR. Dukomeje kandi gusaba urubyiruko rw’u Rwanda, aho ruva rukagera, kwicengezamo ko rugomba kugira ijambo mu gihugu cyarwo, n’uruhare rugaragara mu micungire yacyo. Kubw’ibyo, abasore n’inkumi basabwe kwima amatwi abanyapolitiki babatera ubwoba babagerekaho amahano yakozwe bataravuka cyangwa bakiri bato, hagambiriwe kubaheza mu bucakara.
 
 
Vincent UWINEZA
Komiseri wa RDI Rwanda Rwiza

Commenter cet article

Ayinkamiye Thaddee 07/08/2014 23:31

Ahubwo twaragurishijwe, twaragiye karabaye. tugiye kongera gucuruzwa bucakara nka kera? Hoya hoya, ibi bya Empire Hima byo ntitubijenjeke kuko abantu twashira noneho. Buri munyarwanda uri hanze atanze amadorari 2 buri cyumweru, akayaha mukuru umwegereye, gutyo gutyo, nyuma y'amezi 2 gusa Kagame na MUseveni twabarasa bashenzi bakavaho bataratworeka.

J.D Ntaganzwa 08/08/2014 08:49

Izi nyandiko za Bwana Vincent nashoboye kuzisoma zose ndetse ngerageza no kuzumva.Ababonye uwo mwanya ndagira ngo biboneye ko ibyo Bwana Uwineza Vincent yatugejejeho hari benshi babihuriyeho.
Ariko nagira ngo nibarize niba Bwana Vincent hari umwanya afite azanoshereho kukuntu bariya bana biciwe i Nyange baba barishwe na FPR kuko biramutse ariko byagenze hari abanyarwanda benshi basobanukitwa naj Waje lieve ye ndimo cyane nabikozejo iperereza nkora mubirebana n"Iyubahirizwa ry'Uburenganzira bw'Ikiremwamuntu.