Rwanda-Politiki: Kuvanaho urujijo muri CNR‐Intwari.

Publié le par veritas

Rwanda-Politiki: Kuvanaho urujijo muri CNR‐Intwari.
Bavandimwe , Bayoboke b’ishyaka CNRIntwari,
 
Bibaye ngombwa ko ngira icyo mvuga ku itangazo Gen Habyarimana Emmanuel Perezida wa CNR‐Intwari ryo kuwa 7 Nyakanga 2014.
 
1.Amatangazo yose nasohoye n’andi yose nzasohora ashingiye ku mahame‐ remezo no ku mategeko agenga imikorere ya CNR‐Intwari (ingingo ya 14 na 16). Ubwo bubasha bugenwa n’amategeko ntibushingiye k’ubushake n’amarangamutima by’umuntu uwo ari wese kabone nubwo yaba ari Perezida w’ishyaka. Ntawe rero ufite ububasha bwo kuyatesha agaciro yirengangije amategeko y’ishyaka n’imirimo buri wese ashinzwe mu ishyaka.
 
2.Ni byiza ko abayoboke ba CNR‐Intwari bava mu rujijo bagahagurukira gukorera ishyaka ryacu ryari ryarafashwe bugwate n’abaharanira inyungu zabo bwite none ubu rikaba ryigenga.Ibyo Generali Habyarimana Emmanuel yavuze by’iterabwoba no kumpagarika mu mirimo nshinwze nka Visi Perezida nkaba n’umuvugizi w’ishyaka ntawe ukwiye kubyitaho ntanuwo bikwiye kurangaza kuko binyuranye n’amategeko agenga ishyaka rya CNR‐Intwari.
 
3.CNR‐Intwari izakomeza rero gushyira inshingano zayo mu bikorwa uko bisanzwe ititaye na busa ku bashaka kuyicamo ibice nta mpamvu. Ndasaba umunyamabanga
mukuru w’ishyaka CNR‐Intwari gukomeza imirimo ye yo guhuza ibikorwa byose by’ishyaka no kugenzura niba imikorere ya buri wese yubahiriza koko amategeko agenga CNR‐Intwari. Ndasaba by ‘umwigariko abagize Biro Politiki y’ishyaka buri wese mu mirimo ashinzwe kugaragaza ibikorwa aho guhera mu magambo atagira umusaruro. Ibi bizadufasha gukora isuzuma‐mikorere kuri buri wese no kuyiha agaciro.
 
4.Umunyamabanga mukuru wa CNR‐Intwari asabwe kugeza iyi nyandiko ku bahagarariye CNR‐Intwari hanze n’imbere mu gihugu kugirango abayoboke bose bave mu rujijo bakomeze kwitabira ibikorwa by’ishyaka aho gutakaza ingufu mu bikorwa by’ubwibone bidafitiye ishyaka ryacu akamaro. Gukomeza guhuriza hamwe ingufu zacu zose aho kuzitatanya nibyo bizatugeza ku ntego.
 
Bikorewe Manchester kuwa 10 Nyakanga 2014
 
 
 
Gakwaya Rwaka Théobald
Visi Perezida akaba n’umuvugizi wa CNRIntwari.
 
 

Commenter cet article

Mbonankira Cyriaque 15/07/2014 06:38

Monsieur Rwaka et General Habyarimana, niba mudashora kwicara ngo mwunvikane mugahitamo kwiha rubanda kumbuga arretez de vous appeler des politiciens.Abanyarwanda barababaye bihagije.Mwikomeza kubakina kumubyimba.

humura 14/07/2014 13:25

Abanyarwanda bo mu gihugu baragowe rwose.bariya bantu bose bararya bakanywa.bamara guhaga ngo bafite ibitekerezo byo gushaka guhindura ibintu mu Rwanda,kandi ntawakandagira I Kigali.
BBahaye Kagame igihugu,batuma abakene baba victimes.batuma igihugu kimera nk'uko kimeze none no hanze murirwa mw'itiku ry'ubugoryi.

Inda zarangaye abandi bameze nk'abagiye kubyara.abandi imvi zaraje.baratinya kuzahambwa hanze.mukomeze mwibeshyere ngo abantu bazongera ku bizera mwa banyandanini mwe.

Iyakare 12/07/2014 20:07

Ariko hari ubwo nitegereza nkumva Politiki abanyaRda bamwe mukina ikanyobera. Mbona murwanira imyanya no kumenyekana pe

mManiriho 13/07/2014 09:24

Ikibazo gikomeye muri aya macakubiri ni abantu bashaka kwitiranya impuzamashyaka n amashyaka, ibi kandi biragaragaza ukudakura kwa bamwe mubayobora amashyaka.
Impuzamashyaka ntigomba gusimbura ishyaka, ikindi ishyaka rigomba gusigarana uburenganzira bwaryo bwo gukomeza gukora pilitiki.. Ikibabaje kandi na none muri ibi bintu bya CNR Intwari ni uko iri shyaka rikomeye kurusha andi garagara kurusha andi, aho kugirango Habyarimana ajyane uyu mushinga wa politiki muri ririya mpuzamashyaka ngo bawuganireho ahubwo ajyanamo amazimwe.

Habyara 12/07/2014 18:53

Ku mugani wa Rukokoma, General ni uri mw'ishyamba, urwanirira inzirakarengane.

iryo zina ryanyu "INTWARI" mwazarihinduye. INTWARI irwana urugamba ku rugamba, ntabwo ari kuri écran ya computer.
Murakoze.

suzi 12/07/2014 18:45

nonsense ! Mwagiye mureka gukomeza kubeshya abanyarwanda ngo murabavugira. Ni Imana izatabara abanyarwanda gus naho abiyita abanyapolitike bo bakorera inda zabo gusa. Burya ubanza Evode yaravuze ukuri ko amashyaka ya opposition ari nka za boutique zahombye!!!! Yahisemo kumesa kamwe aho kuguma muri boutique itazigera yunguka!

Mburumbonye 12/07/2014 14:54

1) Igihe cyose inyungu z'umuntu ku giti cye zizajya imbere y'inyungu za rubanda, ari na byo bigaragaza ko urwana aba atazi icyo arwanira
2) Igihe cyose abanyarwanda tuzaba twibeshya ko amahoro yacu atangwa n'umuzungu cyangwa undi wese utari umunyarwanda

Bon voyage, urwo rugendo si ndimo
Cyakora naragushimye Rwaka ubwo witandukanyaga n'inkoramaraso zahereye cyera zitwicira mu magereza na n'ubu zirakica abakiriyo.
Erega muragorwa n'ubusa, Imana Izi akaga kacu kandi twarayitakiye nayo yaradusubije, dutegereje gutabara kwayo twizeye. Abavuga ko itabashobora baba baba barota ku manywa, kuko rwose nibihangane igicamunsi kize, nushaka n'uwo kubara inkuru ntuzamubona. Hahirwa utegereje yihanganye kuko atazabura gutabarwa. Na we umunyabyaha we naburirwa akanga kureka ibyaha bye, usibye no gupha azarimbuka

Mbonyingabo Jean 12/07/2014 14:25

Ibintu byabanyamashya bacu rwase bakwiriye kugabanya amachakubiri nogucanganyikirwa kuko bikomeza kuyobya ababayobo. Dokeneye ubumwe bwamashaka bure akaga abanyarwanda barimo ataribyabayobozi bakomeza kwirebaho gusa.

Ngoga 12/07/2014 13:10

Muraho ? Ariko ntimusobanuye amatangazo muhaye agaciro n'ayo mutesheje agaciro kuko yasohotse avuguruzanya !