Rwanda- RDC : Ingabo nyishi za RDF i Kabuhanga n’i Mudende ziteguye kugaba igitero muri Congo kubwumvikane na Joséph Kabila.

Publié le par veritas

Inkotanyi zirimbanyije imyitozo yo kugaba igitero muri Congo

Inkotanyi zirimbanyije imyitozo yo kugaba igitero muri Congo

Muri uku kwezi kwa Kamena 2014 abantu benshi barahuze kubera igikombe cy’Isi cy’umupira w’amaguru kiri kubera mu gihugu cya Brésil. Ibihugu by’ibihangange nabyo birangariye amakimbirane y’intambara ari mu gihugu cya Ukraine n’inyeshyamba z’intagondwa z’abayisilamu zishaka kwigarurira igihugu cya Irak ! Muri ubwo burangare bwose Paul Kagame na Joséph Kabila bageze kure umugambi wo kurimbura impunzi z’abanyarwanda muri Congo bakoresheje intambara z’ikinamico zihanganishije ingabo z’ibihugu byombi kugira ngo abo bagabo bombi bashobore kuguma k’ubutegetsi.
 
Zimwe mu ntwaro zigomba gukoreshwa ni : ubucengenzi bw’abakomando b’inkotanyi muri Congo bagomba kwica abaturage b’abakongomani harimo n’impunzi z’abanyarwanda no gukoresha intwaro y’uburozi nk’uko byakozwe mu myaka y’1994 n’1996 mu nkambi z’abanyarwanda zari i Goma ! Amakuru veritasinfo ikesha bamwe mu ngabo za RDF kimwe n’amakuru atangazwa n’ibinyamakuru by’ « afroamerica na africarabie » arashimangira ko iyo myiteguro igeze kure !
 
Muri iki gihe leta  ya Paul Kagame ifite ikibazo gikomeye mu rwego rw’ububanyi n’amahanga bitewe ni uko amahanga yose yamaze kumenya ko iyo leta  idashaka amahoro mu karere. Amafaranga yatangiye kuba macye cyane mu Rwanda kuko inkunga zimwe zitarafungurwa ndetse n’izindi zikaba zishobora guhagarara ; inzara igiye kurimbura igice kinini cy’abanyarwanda kuburyo mu Bugesera bamwe mu baturage baho batangiye guhunga amapfa berekeza mu gihugu cya Uganda, leta  ya Paul Kagame ntishobora gutabariza abo baturage bitewe no kwiyemera ngo irakomeye kandi ikaba itinya ko amahanga yayisaba gushyikirana n’amashyaka atavuga rumwe nayo harimo na FDLR.
 
Imisoro yarongerewe kugira ngo leta ibone amafaranga kuburyo n’igiciro cy’amakarita ya telefone kikubye kabiri ariko kubona abaguzi bayo bikazaba ihurizo rikomeye ! Leta ya Paul Kagame itangiye kugira impungenge zo kubona icyo izatungisha ingabo z’umurengera ifite kandi itazifitiye n’akazi zikora… Kubera ibyo bibazo byose , Paul Kagame yegereye Kabila Joseph ufite ikibazo cyo kutazongera kwiyamamaza nkuko abisabwa n’amahanga maze bapanga gahunda yo gushyira akarere kose mu mutekano mucye ariko bakaguma kubutegetsi !
 
Mu ibanga rikomeye Kabila yumvikanye na Kagame ibi bikurikira :
 
1.Kagame yoherereje Kabila abakomando b’inkotanyi bagera kuri 800 i Kinshasa, izo nkotanyi zikaba zaragiye mu ndege zazigezaga i Kinshasa mu masaha ya ni joro, inyinshi muri izo nkotanyi zicumbikiwe  mu kigo cya gisilikare cya Kakolo. Izo ngabo z’inkotanyi zifite ubutumwa bwo kwica abanyepolitiki batavuga rumwe na Joseph Kabila kugirango bibyare imvururu mu baturage zishobora gutuma amatora muri icyo gihugu aburizwamo. Kabila arateganya guhindura ku ngufu itegeko rigenga amatora,  agahindura ingingo yo mu itegeko Nshinga ry’icyo gihugu imubuza kongera kwiyamamaza ;  abakongomani baziha kwanga ibyo guhindura iyo ngingo y’itegeko nshinga imwemerera kongera kwiyamamaza bazicwa n’inkotanyi zoherejwe na Kagame kandi izo Nkotanyi nizo zigomba kwita ku mutekano wa Joseph kabila muri icyo gihe cy’imvururu.
 
2.Kugira ngo ingabo za Congo zidakurikira ibiri kuba, Joseph Kabila yasabye Kagame kugaba ibitero bya gisilikare ku ngabo za Congo ziri ku mupaka mu karere ka Kivu, bityo ingabo za Congo zikaba zitagomba guta urugamba ngo zijye guhosha imvururu mu gihugu ! Uko ingabo zombi zizaba ziri kohererezanya amasasu niko bizaha uburyo Kagame bwo gucengeza ingabo i Kinshasa nta muntu n’umwe urabutswe (ibyo byarangije gukorwa); Kagame kandi agomba gucengeza abakomando b’inkotanyi benshi muri Kivu bo kujya kwica abakongomani, abo bakomando b’inkotanyi bazajya bavuga ikinyarwanda muri ubwo bwicanyi  kugira ngo bugerekwe kuri FDLR ! Abakomando ba mbere b’inkotanyi ubu banyanyagiye umujyi wa Goma akaba nta joro ry’ubusa rishira batishe abaturage bari muri uwo mujyi !
 
3.Kabila yemereye Kagame ko agiye guhatira FDLR kujya mu nkambi ahantu hazwi, Leta  ya Congo ikaba yaratangiye igikorwa cyo kubwira abaturage ba Kivu zombi guhiga abanyarwanda bari muri utwo turere bakabajyana mu nkambi ku ngufu. Amakuru aturuka mu ngabo z’u Rwanda (RDF) aremeza ko  ahitwa Kabuhanga n’i Mudende Kagame ari kuharunda abasilikare benshi n’intwaro zinyuranye mu rwego rwo kugaba igitero muri Congo kandi abiziranyeho na Kabila. Mu gihe inkotanyi zizaba ziri kurasana n’abakongomani zizashobora gucengeza abakomando benshi bazagaba ibitero ku nkambi nshya z’impunzi z’abanyarwanda Kabila ari gutegeka ko zijyamo. Kagame kandi yateguye n’abakomando bazatwara uburozi buzoherezwa muri izo nkambi, impunzi zikongera gushira nk’uko byagenze mu nkambi z’i Goma mu myaka y’1994 n’1996.
 
4.Mu gihe igikorwa cyo kwica impunzi muri Congo kizaba kirimbanyije , Kagame yiteguye kwemera kugirana imishyikirano ya nyirarushwa na FDLR kugira ngo amahanga amufungurire imfashanyo ndetse ashobore no kugarurirwa ikizere n’ibihugu bigize umuryango wa SADC. Kagame kandi yumvikanye na Kabila ko bazagirana amasezerano yo guhagarika ubushyamirane (bw’amacenga) buri hagati y’ibihugu byombi ariko inkotanyi zikemererwa gucukura no gucuruza amabuye y’agaciro ya Congo ari muri Kivu nk’uko babyumvikanyeho na Kabila mu ntambara za mbere zo kumuha ubutegetsi.
 
Mu gihe Kagame Paul yari i Nyabihu yabwiye abaturage ko abamuhungiye muri Congo bibeshya cyane ko amaherezo azabamara cyane ko yababwiye ko kugeza ubu ari uwa mbere mu kugira nabi ! Ababyumvise bagize ngo ni ukwirarira ariko gahunda  ayifite mu mutwe kandi ayifatanyije na Kabila, igisigaye ni ukumenya niba iyo migambi y’ubugome izamuhira akarimbura impunzi zose z’abanyarwanda ziri muri Congo. Amateka azaduha igisubizo !
 
Ubwanditsi.

Commenter cet article

umuvumbuziwintore 17/06/2014 01:16

Kabira yikururiye ibyishi, muraza kureba ko batamwirasira kumanywa y,ihangu! Na se Kabila Gakwerere n'izindi nkora maraso zaramwivuganye nkanswe uriya bagize ikiraro. Dore yatangiye kubarasa nkuko yabyivugiye i Nyabihu. Gusa ndaburira abanyarwanda bari gutegekwa kwemera ibyaha batakoze ko ariyo macenga agezweho, uzajya umara kubyemera bahite bakurasa bavugeko warugiye gutoroka, ariko ndibaza ukuntu umuntu uboshye n'amapingu, uri mumodoka y'abapolisi bafite imbunda bakavuga ngo yaragiye gutoroka? Nonese abo ba police basigwa n'uboshye babaho kandi mubyo bakagombwe kumenya no kwiruka birimo,aho kurasa udafite imbunda. Ariko birazwi ko ari ikinamico byo turabimenyereye kuko ibyo baba bemejwe kungufu baba batinya ko bigeze munkiko batsindwa nyirukubeshyerwa abigaritse( mwibuke Mutabazi).

idrissa wassaNom 16/06/2014 19:56

L'homme propose Dieu dispose, qu'est ce qu'on n'a pas fait pour exterminer les hutu Dieu est present. Fdlr n'a qu'entrer au Rwanda et appliquer la guerilla.Erreur que les ex Far ont faite est de sortir dans le pays

ngezahaga cyprien 16/06/2014 17:00

Banyekongo rero nimwe muburirwa!Aho kwikiza Kabila ubagambanira nimwishora mu mpunzi ngo murakemura ibibazo byanyu muzamenye ko muzaba mwikatiye iteka ry'ubucakara buhoraho.

AYINKAMIYE 16/06/2014 16:30

YEBABABAWEEEEEEEEEE NONEHO IYI NKURU IRANDANGIJE PE UMUPEREZIDA MUZIMA AKAGAMBANIRA ABATURAGE URETSEKO NAWE IMANA IZABIMUBAZA KUBURYO BUDASUBIRWAHO