Rwanda: Kabarebe James yiyemeje gushinga umutwe wa gisilikare wo kurasa interneti !!

Publié le par veritas

Kabarebe ari gusoma amabwiriza yo kurwanya interneti

Kabarebe ari gusoma amabwiriza yo kurwanya interneti

Ntabwo ari urwenya, General Kabarebe James yiyemeje kurasa interneti ! Ntagitangaza kirimo kuko na Freud Ibingira yashatse kurasa akadomo k’inyuguti ya “i” kuko yari yananiwe kwandika iyo nyuguti!! Aba batekinisiye bacu mu kurwana bagiye kuzasiga umugani ku isi kuko ikibananiye kumva cyose bahita begura imbunda!
 
Kuva mu mwaka w’2010 leta ya Paul Kagame yafashe ingamba zikaze zo gufunga imbuga za interneti mu Rwanda zandikirwa mu bihugu byo hanze; muri iki gihe ntabwo abanyarwanda bashobora gusoma amakuru yandikwa n’imbuga z’abanyarwanda bari hanze y’igihugu! Byageze naho mu masomero ya internet (cyber café) DMI ya Kagame icengeramo kugira ngo ijye ireba ibyo abantu bayarimo bari gusoma kuri internet, abantu bamenya ayo mayeri bahunga ayo masomero!
 
Leta ya Kagame yasanze ibyo bidahagije maze itegeka amasosiyeti y’itumanaho mu Rwanda kujya yandika imyirondoro y’abaguze amakarita ya telefoni kugira ngo babone uko bakurikirana abanyarwanda bazajya bavugana na bene wabo  bari mu bihugu by’amahanga, Icyo cyemezo ntabwo cyashoboye guha umutekano Kagame na leta ye n’ubwo cyahise gishyirwa mu bikorwa, guhera mu mwaka w’2012 iyo leta yashyizeho itegeko ribuza abanyamakuru bari mu Rwanda kwandika amakuru ya gisilikare mu rwego rwo gukingira ikibaba umutwe wa M23 warwanaga muri Congo,  ariko ibyo byose ntacyo byatanze, ubwoba bwo kuvuga ibitagenda bwakomeje kuba bwinshi !
 
Mu ntangiriro z’uyu mwaka nibwo hashyizweho itsinda ry’intore rigomba kujya gutukanira ku mbuga mpuzambaga (facebook ,twitter…) ariko nabyo ntacyo byatanze, ubu ikigezweho ni ukunyereza abafite amatelefone arimo uburyo bw’itumanaho bwa whatsapp, viber, skype… kugira ngo abo batunze iryo tumanaho bage kugenzurwa harebwe niba batavugana n’abantu bo hanze y’igihugu bitwa abanzi! Ubwo buryo nabwo Kagame na FPR basanze budahagije kuburyo noneho Paul Kagame yateye intambwe yo kwiyemeza kujya arasira kumugaragaro abaketsweho kuvugana n’umwanzi!
 
Izo ngamba zose zo gushaka gucecekesha abanyarwanda no kubahoza mu bwoba Kagame na FPR barabona ntacyo zitanga none biyemeje gushyiraho umutwe wa gisilikare wo kurasa kumugaragaro interneti!! Umushinga wo gushyiraho uyu mutwe Kabarebe  awusobanura avuga ko ari uburyo bwo gukingira amabanki akomeje kwibwa hakoreshejwe uburyo bw’ikoranabuhanga! Nyamara ibyo avuga sibyo, kuko biramutse ari uko bimeze amabanki ubwabo niyo yashaka abakozi kabuhariwe bize ibyikoranabuhanga kugirango yikingire ubwo bujura, byaba ngombwa ayo mabanki akaba bakwiyambaza ubutabera aho kwiyambaza igisilikare !!
 
Ikibazo gikomereye cyane Kabarebe ni uburyo yahamagariye urubyiruko rw’u Rwanda kwihutira kujya kuri internet rugahangana n’imbuga mpuzambaga zivuga nabi u Rwanda kandi mu Rwanda izo mbuga avuga zidafunguwe! None se urwo rubyiruko ruzahangana n’ibyo rutabona? Igisilikare cya Kabarebe kizakoresha iyihe ntwaro yo guhangana na internet? Mbese aho  kuvuga ko bagiye guhangana na internet ntibihuye n’imitekerereze y’igisilikare cya Kagame kibwira ko ibibazo byose bikemurwa n’imbunda!!! Ni ukubitega amaso ariko aho ibintu bigeze leta ya Paul Kagame ifite uburwayi bukomeye abantu bita “Muzunga” kuko ibyemezo ifata bimwe bigenda bivuguruza ibindi!! Ntabwo wafunga imbuga za internet mu Rwanda noneho ngo wongere usabe n’abanyarwanda kujya kurwana intambara yo kuvuguruza ibyanditse ku mbuga za internet kandi badashobora kuzisoma kuko zifunze!!
 
Ubibona ukundi yabitugezaho neza !
 
Ubwanditsi

Commenter cet article

gasigwa 12/06/2014 07:09

Kabarebe ntaho yize yari umushumba wi inka. Twaragiriraga hamwe.

Kabarebe 11/06/2014 00:35

njye narumiwe rwose. Kabarebe uhora atekereza utwana twudukobwa atera SIDA niwe wabasha gukingira igihugu ubugizi bwa nabi. Ahubwo arashaka urubyiruko rumwegere abasambanye, dore ko ntakindi azi. ayiiiiiiiweeeeeeei. ndebera uriya munwa ukusa koko??

Kamari 11/06/2014 11:26

Umurwayi wa SIDA atekereza mu maguru ntabwo yabona ubushobozi bwo gukora ibyo yavuze Gusa ibijya gucika bica amarenga Kabarebe ni Nyakwigendera ibyo avuga ni ibitabapfu. Ntimukite ku magambo y'Imidugankomo n'Abidishyi n'Abami babo. Ntwali mwiyemeje kubohora u Rwanda nimukomere ku muheto igihe n'iki ak'imbwa kagiye gushoboka

umuvumbuziwintore 11/06/2014 00:06

Abivuze atinze kuko batangiye kubishyira mubikorwa kera ,kuko uba wigendera ufite phone yawe muntoki ugahita uhura n'umuntu utazi akaba arayikwatse.Ariko barishuka kuko kubera kurambirwa ubutegetsi bwa Kigali ubu umunyarwanda nawe ari ryiso! Ubu hari simukadi zo murugo,iza ninjoro, izo mubihugu duturanye, ibyo byose nukugirango umunyarwanda aburire undi iby'ingoma yaga hotoro, Kabarebe rero arishuka cyane kuko umuhinzi acura umugambi wo kurinda umurima we inyoni nazo zijya uwazo. Kurinda n'ukuwiteka!

humura 10/06/2014 18:37

Nyakubahwa Prezida Kagame,naraye ndose ko mugomba gufungura byihutirwa Mihigo Kizito kuko ni umwana w'umututsi nkawe wabuze abe,ariko arenzaho kubyo yahemukiwe n'abagome bameze nk'abikigihe.Numufungura ushobora kubabarirwa n'UWiteka.Niwinangira ukavuga ngo yari inyuma y'ibyo yemeye kubera pression y'abanzi b'ubumwe. Ni akazi kawe simvuze byose ariko niwinangira uzareba.Imana irarambiwe ukurengana kw'abayo.

Narabyeretswe.
Imana iguhe kuyumva.

Jojo 10/06/2014 16:57

ibintu nk'ibyo hari ibihugu bibiri kw'Isi byabikoze: ni Abashinwa na Birmanie. U RDA rwaba rubaye urwa gatatu.
Ikibazo kihari rero, n'uko agapfundikiye gatera amatsiko buri gihe! Abantu bazibaza, ibyo u RDA rupfundikiye, icyo u RDA ruhishira.

munterisesemi 10/06/2014 15:20

Ariko Kabarebe nawe wagirango yize ikigoroba cyanga yigiye kuri net???? Ubwo se utekereza ko uko mumenyereye kwica abantu n'ubuyobozi bunaniwe kandi bw'ubuswa bushyira imbere kwica no kuroga abatariho urubanza barwanira guhabwa uburenganzira bwabo bazahora bari inyuma nk'ikoti???? Oya reka tubavugire twe dushobora kuvuga, kandi ntakizaducika, iyo dutabaza ntabwo tuba twitabariza, tuba dutabariza abanyarwanda bari mugihugu imbere babayeho nk'inka zanyu, bagakora mwe mukarya , ntimwibuke ko nabo ari abantu!!!! Internet ntabwo muzayishobora, itubwira byinshi, iradukangura, kandi ikaduhuza ikanatwubaka, kuko dialogues zarabananiye kuko mushaka gukoresha igitugu igihe cyose, si uko umushumba mwiza aragira intama ze, Mwatubereye ibirura, munywa amaraso uko bwije n'uko bukeye, ariko mwibagirwa ko ayo maraso muzayaruka igihe nikigera, ngo muzinginga icyo muzahura nacyo cyose umunsi ruzaba rwambikanye, mugisabe kubamira, nacyo kibasubize ngo nanjye nabuze uwamira none ngo nkumire?????? AMARASO ARASAMA