Rwanda: Ibaruwa y'intabaza yandikiwe ingabo z'u Rwanda RPF .

Publié le par veritas

Umutwe w'abasilikare ba RPF bari barangije amahugurwa

Umutwe w'abasilikare ba RPF bari barangije amahugurwa

Banyakubahwa, bayobozi bakuru b'ingabo z'igihugu cy'u Rwanda;
 
- Patrick Nyamvumba, 
- Frank Mushyo Kamanzi, 
- Fred Ibingira, 
- Joseph Demali, 
- Jerome Ndengahimana
 
Mu izina ry'abanyarwanda, turabasuhuje, mukomere cyane. Muri make, tubandikiye tugirango tubasabe gutabara u Rwanda, amazi atararenga inkombe.  Uru rwandiko, turwandikanye agahinda kenshi, kubera ko - uwagombye gukiza abanyarwanda, uwagombye guhesha abanyarwanda agaciro - Paul Kagame (mwene Rutagambwa) agiye koreka igihugu. 
 
Nk'uko mubibona, agiye gusubiza igihugu mu icuraburindi. Agiye gutuma igihugu cyacu cyongera gutemba imivu y'amaraso y'abanyarwanda, imvugo ze kuva mu ntangiriro y'uyu mwaka (ndetse na mbere yaho) zirabigaragaza. Ibi tubasa ntabwo bizaba ari umwihariko w'u Rwanda, kuko n'ibindi bihugu, cyane cyane ibyo tuzi ko byateye imbere kurusha ibindi, abayobozi b'ingabo zabyo nibo batumye biva mu miyoborere mibi byarimo (itagendera k'ubutabera, ubwisanzure na demokarasi) byaterwaga n'abayobozi babyo bumvaga ari ba kamara, nk'uwo mutayobewe. 
 
Birumvikana ko, hakiri urukundo mufitiye Paul Kagame, kubera amateka mwasangiye, akazi mwakoranye, no kuba ari umunyarwanda. Ariko, aho bigeze, twumva ko atagomba gukomeza gusimbuzwa cyangwa kurutishwa ubuzima (bw'ejo hazaza) bw'abanyarwanda barenga miliyoni cumi n'imwe. Twahisemo kubandikira dukoresheje email kuko aribwo buryo bwihuta, m'uguhererekanya ubutumwa bwihutirwa nk'ubu. Ikindi kandi tuzi ko muri abagabo bashyira mu gaciro kandi bakunda abanyarwanda byanyabyo ureke uriya ubyitwaza kugirango akomeze adamarare. Kubera iyo mpamvu rero twumva ko umunezero wa Paul Kagame (mwatumye ageraho) mutagombye gukomeza rwose kuwurutisha uw'abanyarwanda bangana gutya - mukurikiza inama ze, zo gushimangira igitugu cye. 
 
Abanyarwanda banekeye ubwisanzure, bakeneye ubuyobozi bushingiye kuri demokarasi, bakeneye inzego za leta zigenga, zidakorera umuntu umwe, nk'uko bimeze ubu mu gihugu cyacu. Nimutabare abanyarwanda, tuzabashimira kuko nitwe bacamanza bemewe (mu byabaye ku banyarwanda bose). Mbere y'uko turangiza uru rwandiko, twabibutsa ko akazi kanyu katagombye gukomeza kuvangwa no gushyigikira uyu muswa wanananiwe kwagura u Rwanda (kandi azi ukuntu ari ruto, rutuwe cyane kandi runakennye, mu myaka makumyabiri ishize). Ibi rero bigaragaza ko nta n'ikindi yitayeho kuko yarangije urwe, akaba asigaye gusa mu matiku yo gukurura inzangano mu banyarwanda.
 
Umunyapolitike mwiza yirinda ikintu cyose cyatuma aryoherwa n'ubutegetsi kugera ho bimuviramo ikintu kimeze nk'indwara. Paul Kagame we yamaze kwandura ino ndwara (yo gukunda ubutegetsi) nk'uko amatora yo muri 2003 na 2010 yabyerekanye. Bivuga ko mutagomba gukomeza kwemera ko igihugu cyacu gikomeza kuyoborwa n'umurwayi (ngo ibuye ryagaragaye ntiryica isuka). 
 
Ikindi kandi kibabaje kuri iyi ndwara yo gukunda ubutegetsi nuko imeze (neza neza) nk'indwara yo gukunda itabi. Paul Kagame asigaye ameze (neza neza) nk'umunywatabi udashobora kurireka atari muganga urimukuyeho. 
 
Ngabo zacu, nimwebwe baganga bakomeye duhanze amaso. Nimutabare, mumukure ku itabi, areke gukomeza kutwuka imyotsi (ngo ingaruka z'itabi zigera kurinywa n'utarinywa).  Turangije tubasaba kutagira ubwoba bwo gutabara abanyarwanda kandi mu gihe kitarambiranye. 
 
Mukomere!
 
Abanyarwanda.
 

Commenter cet article

Kanyarwanda 19/06/2014 11:09

Abo bibeshya ngo Kagame arakundwa, abamukunda barikumashyi, Nziza na Gasana wa Police barimo. Ariko ndahamya ko na Jeannette mukiwe atamukunda ahubwo akunda agafaranga. Ntamuntu ukunda Kagame, baramutinya.

murute 16/06/2014 12:39

habyarimanajuvenaL---------------------------------------------------------------------------kagame paul
ahakome tuvuga kagame yadukuye ni uruhare yagize mwipfa rya habyarimana?
UBUKENE----------------------------ABANYARWANDA BARAKENYE NUBWO HARI ABAKIZE NKA KAGAME
amashuri-------------------yewe muzasure ibigo byamashuri abanza ayisumbuye na kamenuza
buriwese azi icyiciro cye
imiyoborere myiza-----------------igitugu cye niyo demokarasi ikorera mumucyo
iterambere---------------------------niryo kunyereza abantu nokubica
ubucamanza------------------------polisi ibifite munshingano guhata abantu igicumuro
isuku------------------------------------bangaye bicira isazi mujisho kandi bakwa agaciro kukibi nicyiza
umutekano--------------------------uwakagame urahagije kudeta murwanda ntibishoboka kereka haze y'urwanda
itumanaho------------------ngaho vugira kuriterefone ibitandukanye nibyifuzo bya k.niyo byaba byubaka
amadini-----------------uzabaze abayakuriye ibyo bigisha *nugira amahirwe bazagusubiza
itangazamakuru----------uzabaze abanyamakuru bazakubwira akababoro kabo
ubukungu-------------uzabaze abikorera kugiti cyabo inyungu binjiza niyo basigarana
ruswa-----------------yahinduye amazina
ndarushye nzongera ubutaha gusa murye nge ndwaye inzoka ngo wanga umugore uguguna igufwa ukazana urimira bunguri.

ANGE 16/06/2014 12:15

kagame ndamuzi abanyarwanda twameretse ko tumukunda mumatora ya2003 na2010 aho yabonaga itiyizeye tukamufasha gutsinda amatora cadeau ebyiri yarizibonye .yadukoreye iki mbere yokumugabira igihugu?ngo yarare mundake no mumashamba,yishe benshi nubu akibica,aravuga iryica imbwa ararigisa abantu inzirakarengane ninyinshi muburoke we wumwere agomba kuba intangarugero ku isi,igitugu icyirusha abazima nabapfuye,abantu babuzwa kuvuga amasoko akomeye afite abakomeye nkawe,ubucamanza ni ubwe igisirikare ni icye,ibiro ni ibye,niwe uzigukemura ibibazo byabaturage,amadini ntagomba kuvuga ibitagenda niwe mana y'i rwanda yica abashaka akagabira abashaka ariko nabo abateze iminsi none ngo kagame turamukunze abakunda nibakunde gusa amenye ko yagoretse amateka yurwanda kunyunguze nagatsi ko ke ariko rusibiye aho ruzarengera azaryozwa ibyo yakoze byose kandi niyo iminsi yaba myinshi ite ntamvura idahita najoro ridacya nubwo ntamurozi wabuze umukarabya ariko bariyimbire abamena amaraso yabandi: kagame rekura kizito mihigo n'abagenzibe n'abo mwanyereje bose!!!!!!

birecl 16/06/2014 10:43

ariko uziko mutari bazima mwandika mw`izina ry`abanyarwanda nkande! Kagame Paul turamukunda cyane yadukuye ahakomeye ahubwo nuko atakwemera kongera kwiyamamaza ngo tumutore ubundi mukomeze musakurize hanze aho gutaha

umuvumbuziwintore 16/06/2014 11:28

Twandika mu izina ry'abanyarwanda nk'abanyarwanda bambuwe agaciro kubera ibitekerezo byabo bidafitanye isano no kumena amaraso, kubaka ubumwe no gukunda igihugu, ntanubwo hari utubwiriza kubikora kuko twe kuba abanyarwanda twavutse tubizi cyakora harababimenye vuba ko bataribo bakaba bashaka kubabo ariko turasaba ko mbere ya ndi umunyarwanda habanza ndi umuntu. Ningo bwa kuko nabatari abanyarwanda (abanyamahanga) nabo ni abantu!

jeannette 16/06/2014 09:23

yewe mubonye abo mutakira !ndinde wabonye abana bimpanga banga ibere n'ibiryo nyina yatetse ngo n'uko ari umurozi? Cyangwa mumbwire ibyana byintare byahangaye nyina? Niba kagame atari nyina wababasirikare ni intare batinya! icyo ashyikiriye arabasigira,uwo ashaka kwikiza nibo mabokoye none natwe turata ibitabapfu dushake abandi bokudutabara cyangwa abanyarwanda duhagurikire rimwe duhunge tubasigire igihugu nitumara kunoza umugambi tuzagaruke natwe tukibakuremo.bon à savoir kwisi bamenye ibyacu nubwo tubirunga ariko biranga bikaba isogo naho ubundi intsinzi y'u rwanda ntimuyishakire kuri bano basirikare kuko nabo ntacyiza mbabonana ahubwo abo mudakeka nibo bazabakiza igisuzuguriro.

birecl 16/06/2014 10:45

yewe jeannette we urambabaje niba uri mugihugu utakirimo ngo urashaka kugisohokamo ngo uzagaruke nyuma urambabaje.guma hamwe tucyubake Kagame wacu mumureke atuyobore