Rwanda: "Dufite uburenganzira bwo kwica abashaka natwe kutwica" ! (Paul Kagame)

Publié le par veritas

Ese aho Paul Kagame ntari kwihutisha ubuhanuzi !

Ese aho Paul Kagame ntari kwihutisha ubuhanuzi !

Intangiriro y’uruhara n’imisoso ! Nta gushidikanya amagambo ya Paul Kagame araganisha u Rwanda mu bihe bibi byahanuwe by’uko mu irangira ry’ubutegetsi bwe abantu bazapfa ari benshi kuburyo ubwatsi bwo hepfo y’inzira buzahura n’ubwo haruguru yayo ! Mu kiganiro Paul Kagame yagiranye n’ikinyamakuru « Jeune Afrique » aremeza atabica kuruhande ko yiyemeje kwica no kunyereza abatavuga rumwe n’ubutegetsi bwe ! Paul Kagame aratera utwatsi amahanga yiha kumunenga muri iyo gahunda ye yo kwikiza abatemera ubutegetsi bwe kandi ngo ibyo bikorwa byo kwica abamurwanya abikorera urukundo rw’igihugu no kurengera umutekano wacyo wugarijwe n’abanzi !
 
Mu Rwanda hirirwa ikinamico ngo ryo kuburanisha abarwanya ubutegetsi bwa Paul Kagame cyangwa se imfungwa ziraswa ku manywa yihangu bigasobanurwa ko zari zigiye gutoroka, nyamara Paul Kagame we ntabwo abica kuruhande,arabivuga yeruye ko ubwo bwicanyi buba bwapanzwe nkuko byatangajwe na radiyo mpuzamahanga ya RFI nayo ibikuye mu kiganiro Paul Kagame yagiranye na Jeune Afrique. Paul Kagame yabwiye icyo kinyamakuru muri aya magambo : « Dufite uburenganzira bwo kwica abantu bose bashaka natwe kutwica », Paul Kagame yakomeje agira ati : « iyo mvuze gukuraho, ntabwo mba mvuze ko tugomba kwica ubunetse wese ngo tumwicire n’aho ariho hose mu Rwanda cyangwa mu Burayi n’Amerika, hariho amategeko yemewe atwemerera gufata ibyo byemezo bikomeye nkibyo » ! Abanyamahanga bumvise iyi mvugo ya Paul Kagame bahise bagwa mu kantu kandi bahoraga baririmba ko u Rwanda rwakuyeho igihano cy’urupfu, ariko Kagame we yivugiye ku mugaragaro ko ariwe ugenga ubuzima bw’abanyarwanda akica uwo ashatse n’igihe ashakiye !
 
Nta pfunwe na gato Paul Kagame yemereye « Jeune Afrique » ko yemera politiki ye yo kwica abatemera ubutegetsi bwe kugira ngo arinde umutekano w’igihugu ! Paul Kagame avuga ko raporo y’umuryango wita k’uburenganzira bw’ikiremwamuntu Human Rights Watch kubyerekeranye n’inyerezwa ry’abanyarwanda ibogamye, Paul Kagame yabivuze muri aya magambo : « Biyemeje gutangaza raporo tutagize icyo tuyivugaho : Ibyo bikaba bidashwitse (sérieux), kandi nta bunyamwuga burimo ndetse nta nicyo bizageraho, ibyo ntibizatubuza kugira icyo dukora niba abanzi bacu bataretse ibikorwa by’iterabwoba kubaturage bacu, ahubwo tugiye gukaza umurego, dukore ibisumbyeho tutitaye kubyo indorerezi cyangwa leta  z’ibihugu binyuranye zizatuvugaho ! »
 
Igiteye ubwoba mubyo Paul Kagame yabwiye « Jeune Afrique » ni uko yibasiye n’inshuti ze z’abanyamerika bitewe ni uko zatinyutse kunenga ibikorwa bibi byo kunyereza abaturage amaze iminsi akora muri aya mezi 3 ashize ! Paul Kagame yagize ati : « Ndasanga bigayitse kubona abantu bagitanga igihano cy’urupfu, indege zabo zitagira abapilote akaba arizo zihora zica abaturage badafite intwaro, biha kunenga ibikorwa byacu ! ».
 
Kuri iyi ngingo Paul Kagame arasanga Amerika (USA) itagombye kunenga ko yica abaturage be kuko icyo gihugu nacyo kica nacyo abaturage uretse ko cyo kica abanyamahanga Kagame we akaba yica abaturage be ; mbese Kagame arashaka kumvisha abantu ko ibyo kwica abaturage yabitojwe n’abanyamerika akaba ari gushyira mubikorwa amasomo bamwigishije ! Mbese muri make Kagame akaba ari umunyeshuri mwiza w’abanyamerika kuko kwica atabitinya! Aho abanyamerika Kagame yibasiye nibamuhindukirana ntibazamwambura ubutegetsi bamuhaye ! Amateka azaduha igisubizo.
 
 
Ubwanditsi

Commenter cet article

rebeca 19/06/2014 15:59

bonjour!salvate,greeting,shalomomuraho!nindanyo z'amahoro ndibyiza muri iyiminsi kwitwararika kuko ibikorwa byabanyarwanda ni ingirakamaro kuribo.mes chers ...bavandimwe imana niki itaduhaye niki itatubwiye niki itadukoreye? URWANDA RWATUWE CHRIST ROI nyarukira INYANZA YA BUTARE NYINA WAJAMBO IKIBEHO YADUHAYE UBUTUMWA TWANGA KUMVA 1994 TUTI BWABUTUMWA BURASOHOYE njye ndabona butatasohora kuko iyo busohora abantu baba bafite imyumvire mishya y'urukundo n'amahoro atandukanye nimvumvire yagatsiko kakagame yo kwica icyatsi n'ururo.mubona umunsi nyiribiremwe yarakaye arinde uzamukangisha imbunda haryango Imana mwayitsinze kumuvumba yeeeeeee!ikimuga cyasetse urujyo kagame yasetse Habyarimana politique haryango zirarutanwa nimuturekere akagati kacu maze nababwiriki mugumane amafiriti n'inyama byanyu.mugumane inote zanyu muturekere uduceri twacu.akarengane:nari umugabo ntijya ihabwa intebe !aho harimo fagitire mbwira se mugenzi....akamanyu k'umutsima...agahinda nikenshi...inzirakarengane!!!!zirenganira ubusa(kizito...)ntarugo rubura ikigoryi...amarira nimenshi agahinda karihose nimuze banyarwanda turwanye ubwo bugome.

umurerwa 19/06/2014 15:34

abanyarwanda twarize turiga kandi tuzakomeza kwiga!!!!burimvugo rero nayo ni isomo iyo arimvugo y'umukuru cyangwa yinararibone abantu bafata umwanya uhagije yo kuyumva. ikibabaje nyakubwa paul kagame imvugo zawe nibi ziteye ubwoba sizumuyobozi ahubwo nizawawundi twita ruharwa,pilato,nandi...ndi nkawe nakwegura kubutegetsi vuba bitaragera nandetse kuya04/07kugirango nereke abantu ko nibuhoye nkabashishikariza kwitorera ubuyobozi bubabereye naho ubundi urugamba rwo kwibohora ruraguhitanye nturaye abana abakuru abasheshe akanguhe turakubita agatoki kukandi tuvuga tuti "dufite uburenganzira bwo kwica abantu bose bashaka natwe kutwica"kuko wiyemeje kwica bose incuti zawe zo zizagutanga zikwikize kuko nazo ziri muribose ushobora kwica.gusa mwijambo ryawe warabeshye uba waravuze uti "kuko mfite ubwoba bwo kwicwa n'uwo ntazi njye natangiye kwica nibura kubwamahirwe nzica ugambiriye kunyica bityo iyonkongoro mbe nyisimbutse ntegereze urundu"gusa nabyo waba wibeshye kuko iminsi yigisambo ni mirongwine uwamirongwine n'umwe rero ntuzagusiga imusozi uretse ko ntamugome upfa!!!!!!!!!!!!!!!!!!!!!!.

Fille 19/06/2014 11:24

Franchement ce President est malade. He is sick. ararwaye mumutwe. Arabizi ko azicwa nawe arashaka gusiga yisasiye benshi.

Ruhango 19/06/2014 17:10

Uri umusazi.

uwizeye 19/06/2014 10:21

ntamurozi wabuze umukarabya kandi hari ababona abenshi bakabita ababo.naho ibyo bano bagenzibange bambanjirije baratwibutsa ko imbyino nyirurugo ateye ariyo wikiriza .ibyo bavuga byurukundo n'amahoro turimurwanda tuzi uko tubanye.ibyintambara sibyamuntu kuko ishobora nokuba igihano cyimyitwarire idahwitse.icyo dushaka uruhare rwaburimunyarwanda mukubaka igihugu kuko inkingimwe ntiyubaka inzu.hari ibitekerezo biburizwamo kubera inyungu zababyakira ibyo sibyo igitekerezo cyigomba gutambuka uko cyakabaye kuko ngo banegura ibigoramye umuhoro ukarakara kandi ngo uvuze ko nyirurugo yapfuye siwe uba umwishije.ubuyobozi bw'urwanda nabwo hari aho burengera!!!!!sibyo nimwunamure icumu mwere kwitwaza amahanga kuki mwigerenya n'abandi abandi nabandi abanyarwanda turi abanyarwanda.

Sendashonga Damien 19/06/2014 07:23

Birababaje aho kugirango mufate iya mbere musubiza kandi munashakira umuti w'ibibazo by'ugarije u Rwanda, ahubwo muri gushyira imbere intambara. Intambara mwashoje ntimuzayirangiza muterekanye ko mushobora kunga abanyarwanda ntawe uhejwe.kabone niyo yasebya cg akagaya imikorere y'umukuru w"igihugu!! Banyarwanda ni mushyire umutima wanyu hamwe kandi mwange amacakuburi atuma abantu basubiranamo kandi twari dukwiye kugira urukundo rutarimo uburyarya kugirango abantu babashe kwihangana no gukorera igihugu cyacu ntawe uhejwe!!

bimento 19/06/2014 06:09

iyamasasu yarabananiye, none mutangiye iyamagambo nayo adafite ishingiro, umuntu muzima yishimira gusebya igihugu cye! gusa mu menye ko abanyarwanda bakangutse bamenye abananiwe gukora bashaka kubateza ibibazo ngo babicuruze, aho urwanda mwari murugejeje ntawe utahabona, murarushywa nubusa

semushi 18/06/2014 22:14

Aka gakecuru hejuru aha ngo karota kasubiye kuba inkumi karandambiye.