RDC: FDLR yasabye umuryango wa SADC kuyibera umuhuza mu kuganira na leta y'u Rwanda

Publié le par veritas

Abakuru b'ibihugu bigize umuryango wa SADC

Abakuru b'ibihugu bigize umuryango wa SADC

Nkuko bitangazwa na radiyo Okapi ikorera mu burasirazuba bwa Congo, kuri uyu wa mbere taliki ya 9/06/2014, FDLR yasabye intumwa z’umuryango w’ibihugu bya SADC gushyikiriza icyifuzo cyayo (FDLR) ibihugu bigize uwo muryango. Muri ubwo butumwa FDLR irasaba umuryango w’ibihugu bya SADC kumvikanisha icyifuzo cyawo cyo gusubira mu Rwanda mu buryo bunyuze mu biganiro na leta  y’u Rwanda aho gukoresha intambara.
 
FDLR ikaba yagejeje icyo cyifuzo ku ntumwa zari zasuye abasilikare ba FDLR bashyize intwaro hasi bakaba bari mu nkambi ya Kanyabayonga icunzwe n’ingabo z’umuryango w’abibumbye Monusco. FDLR ikaba yifuza kugirana ibiganiro bisesuye na leta y’u Rwanda ibifashijwemo n’umuryango wa SADC ; Uyoboye intumwa za SADC Coonradie Marius Anton yijeje FDLR ko icyifuzo cyayo azakigeza ku bunyamabanga bukuru bwa SADC.
 
Izo ntumwa za SADC zavuze ko uwo muryango wiyemeje gufasha FDLR mu gikorwa cyo gushyira intwaro hasi, SADC ifatanyije na Congo kimwe na FDLR bagomba gukorera hamwe mu gikorwa cyo gufasha FDLR gutaha mu Rwanda. Général Delphin Kayimbi ushinzwe ibikorwa byo gusubiza abasilikare mu buzima busanzwe yasabye FDLR gukomeza igikorwa cyo gushyira intwaro hasi kubushake, akaba yasabye FDLR ko icyo gikorwa kigomba kuba cyarangiye mu gihe kingana n’iminsi 22 !
 
Ku italiki ya 30/05/2014, abasilikare ba FDLR bagera ku ijana bashyize intwaro hasi, kuri iki cyumweru taliki ya 8/06/2014 abandi basilikare ba FDLR bagera kuri 84 baherekejwe n’imiryango yabo igizwe n’abantu barenga 225 bashyize intwaro hasi ahitwa Kitogo muri Kivu y’amajyepfo. Mu gihe FDLR iri gushyira intwaro hasi, amashyirahamwe y’abagore mu gihugu cya Congo arasaba ko FDLR itagomba gutinda kubutaka bwa Congo ko ahubwo leta y’icyo gihugu ifashijwe n’amahanga bagomba gufasha FDLR  igasubira mu gihugu cyayo cy’u Rwanda aho kuguma muri Congo (RDC)!
 
 
Ubwanditsi

Commenter cet article

jamusNom 11/06/2014 11:20

Ntambwo kagame ariwe wenyine wafungiye abanyarwanda amahoro kuko afite beshhiii bakorana numurumbwo bugome harimo nabamwe bo mubihugu byibiihangange ku isi, kuko babifitemo inyungu banga gushyira hanze umukozi wabo Kagame.

Kami 10/06/2014 10:10

Icyakora leta ya Kagame irakabya! Irimo ibwira amahanga ngo FDLR nitahe mu Rwanda ni amahoro, ayo mahanga ategetse FDLR gushyira intwaro hasi kugira ngo itahe mu mahoro mu Rwanda none Kagame ari kunyereza abanyarwanda avuga ko bakorana na FDLR! Ubwo se amahanga yafata ate u Rwanda? None se umuryango mpuzamahanga wose azawunyereza bitewe ni uko ubu uri gukorana na FDLR? None se aba FDLR nibaza mu Rwanda azabanyereza ko mbona agiye kumara abanyarwanda? Amahurizo aba menshi !!

Ayinkamiye Thaddee 10/06/2014 08:13

L'ONU et ses accolites demandent TROP aux FDLR. deposer les armes deposer les armes deposer les armes, ... et cette fois ils mettent un deadline, 22 courant! Pourtant ils ne demandent rien au cotes des FPR! Ont - ils (FPR) ete demande de faire au moins un pas vers les negociations! Si ONU demande a une partie de faire pas vers l'autre partie, et que cette autre partie (FPR) rien ne lui est demande, cela sousentend que les ONUs ont un penchant. Nous en avons assez avec ces falouches FPRs, nous en avons assez avec des politiques imperiales qui soutiennent sciemment le mal (KAGAME).

umuvumbuziwintore 10/06/2014 01:03

Umuhuza ukenewe nuzahuza abanyarwanda kandi amahoro akaboneka. Ariko sintekerezako Kagame azaboneka muriyo mishyikirano kuko umutima we urinangiye cyane ninkuwa Farawo(wo muri bibiliya yanga ko abisiraheli bajya mugihugu cyabo ,banagiye arabakurikira n'intwaro ngo abatsembe nyagasani ntiyabyihanganira amuroha munyanja itukura).Ndabona na Kagame agiye kuzira impunzi, araphuye ntaraye, ngo azashinga icumu mubunyabungo!!!!!!!?