ONU iramagana bikomeye leta y'u Rwanda ku ihohoterwa ry'uburenganzira bwo kuvuga icyo utekereza!

Publié le par veritas

Maïna Kiai intumwa idasanzwe ya ONU ku burenganzira bwo kwishyira ukizana

Maïna Kiai intumwa idasanzwe ya ONU ku burenganzira bwo kwishyira ukizana

Muri iki cyumweru , intumwa idasanzwe y’umuryango w’abibumbye wa ONU yitwa Maïna Kiai yashyize ahagaragara  raporo y’uko uburenganzira bwo kuvuga icyo utekereza bwifashe mu Rwanda ; kugira ngo iyo raporo yemezwe n’uwo muryango nk’uko aya makuru tuyakesha radiyo mpuzamahanga RFI. Iyo ntumwa y’uburenganzira bw’ikiremwa muntu ikaba yari iherutse i Kigali mu kwezi kwa Mutarama 2014 kugira ngo irebe niba u Rwanda rwubahiriza uburenganzira bw’ikiremwa muntu bwo kuvuga icyo utekereza haba mu mategeko cyangwa mu bikorwa bigaragazwa na leta y’u Rwanda ; imyanzuro ya raporo iyo ntumwa yagejeje ku nteko rusange ya ONU iramagana bikomeye imikorere ya leta y’u Rwanda yo guhonyora uburenganzira bwa muntu.
 
Intumwa idasanzwe y’uburenganzira bwa muntu yatewe impungenge zikomeye z’amategeko akomeye abangamira uburenganzira bwa muntu mu Rwanda, iyo ntumwa ikaba yaragaragaje muri iyo raporo ko amategeko y’u Rwanda  nta burenganzira atanga  bwo gukora inama muruhame. Umuntu ugerageje gukoresha inama y’ishyaka mu ruhame mu Rwanda ahita yoherezwa muri gereza ! Intumwa y’uburenganzira bwa muntu mu muryango w’abibumbye yagaragaje kandi ko mu Rwanda hari amategeko yo gucecekesha abantu kuko abagerageje kuvuga bahita  bashinjwa gukora ibyaha byo gutanga amakuru atariyo !
 
Intumwa y’uburenganzira bw’ikiremwamuntu  Maïna Kiai ntiyatewe impungenge gusa n’amategeko  ahubwo n’ibikorwa bigaragara mu Rwanda byo kubuza abantu uburenganzira bwabo byamuteye impungenge. Iyo ntumwa yavuze ko bitoroshye kwandikisha umu Rwanda ishyaka rya politiki kugira ngo ryemererwe gukora kuburyo buzwi kandi bwemewe ; iyo ntumwa yavuze ko umunyepolitiki wese ugerageje kunenga ubutegetsi bwo mu Rwanda aba agomba guhita yinjizwa muri gereza cyangwa agahunga !
 
Iyo ntumwa idasanzwe y’uburenganzira bwa muntu yagejeje kubagize umuryango w’abibumbye ONU ko leta  y’u Rwanda yahinduye amateka ya vuba y’igihugu intwaro yo guceceke no gutera ubwoba umuntu wese ufite icyo anenga ubutegetsi buriho, ibyo bikaba byaraciye intege abafite icyo banenga ubutegetsi ndetse bikaba bibangamiye n’imikorere ya demokarasi ishingiye kumashyaka menshi, ibyo bikorwa bikaba bibangamiye ukwishyira ukizana mu Rwanda ndetse n’inyungu z’umuturage w’umunyarwanda.
 
Intumwa idasanzwe ku burenganzira bw’ikiremwamuntu yavuze n’ikibazo cy’umuryango wita kuburenganzira bw’ikiremwamuntu wa Liprodhor mu Rwanda wabujijwe uburyo bwo gukora ukanahindurirwa abayobozi ku ngufu. Maïna asanga « Ubwoba bwo kuvuga ko hashobora kuba indi jenoside mu Rwanda bwatumye ibintu byose bihagarara mu Rwanda binatuma kubangamira uburenganzira bw’ikiremwamuntu bikaza umurego, ibyo leta ikabisobanura ivuga ko ariyo nzira yo gukumira andi makimbirane mubanyarwanda » ! Nubwo intumwa y’umuryango w’abibumbye kuburenganzira bw’ikiremwamuntu isanga mu Rwanda harageze iterambere ry’ibikorwa remezo, iyo ntumwa isanga kuba mu muryango nyarwanda ntaburenganzira buhari bwo  kunenga ibitagenda ari « ukubaho mu buzima budashobotse ».
 
Leta y’u Rwanda yagize icyo ivuga kuri iyo raporo y’intumwa y’uburenganzira bwa muntu mu muryango w’abibumye, ibitekerezo byayo ikaba yarabishyize ku mapaji atandatu. Leta y’u Rwanda ivuga ko uburenganzira bw’ikiremwamuntu mu Rwanda bwanditse mu itegeko nshinga kandi u Rwanda rukaba rwarashoboye kwiyubaka nk’uko ayo majyambere yabonywe n’iyo ntumwa abyerekana bitewe n’uko imbaraga zose zakusanyijwe zigashyirwa hamwe harimo n’uburenganzira bw’ikiremwamuntu iyo ntumwa inenga ko butubahirizwa !
 
Intumwa y’uburenganzira bw’ikiremwamuntu yaje mu Rwanda nyuma y’urupfu rwa Patric Karegeya bitewe ni uko Paul Kagame yari amaze kuvuga ko umuntu wese utemera ubutegetsi bwe azabizira ! Iyi ntumwa ntabwo yakoze igenzura ku byaha byo kunyereza abantu kuko leta ya Paul Kagame yatangiye kubikora nyuma y’uruzinduko rwe mu Rwanda ; ikigaragara cyo ni uko Leta y’u Rwanda igiye kuba Ruharwa muguhungabanya uburenganzira bw’ikiremwa muntu ndetse no gutera umutekano mucye mu karere u Rwanda ruherereyemo ! Abayobozi b’u Rwanda bakaba babona izi raporo zitaruvuga neza ziba zibogamye ndetse zikaba zirubuza uburenganzira bwayo bwo gukora icyo ishaka !
 
Mbese aho uko imyaka ishira indi igataha leta ya Paul Kagame ntiyaba iri gutera intabwe isubira inyuma aho kujya mbere? Buri wese azishakire igisubizo akurikije ibyo abona .
 
Ubwanditsi

Commenter cet article

umuvumbuziwintore 15/06/2014 16:26

Ibyo yegeranije nibike cyane ugereranije nibiri kuba kuko noneho DMI za saze si gusa. Umuhutu uvuze ibitagenda yari ari mugihugu ishimutwa ako kanya atahita yicwa agashinjwa kubiba bamacakubiri, igengabitekerezo ya jenocide no gukorana na FDLR.

Umututsi uvuze iko byakagenze bihindurwe gutya arahita ashimutwa adahise yicwa aricwa urubozo bamautegeke kwemera ibyaha atakoze ashinjwa gukorana na RNC,FDLR, gutera ibisasu.

Abanyamasengesho Uwiteka arababwira ubwiru bwibigiye kuba DMI zoherejwe mu nsegero (cyane ADPER) zikabafatira kumuryango w'urusengero ntibongere kubona izuba, nyamara ntagihugu kitagira abahanuzi n'abakuru! aberekwa kubera gutinya ntibakerura ngo bavuge ibikomeye ngo turusheho Gusenga ahubwo bari kubivuga bazimiza urugero: Kagame arapfuye = igiti kiraguye n'ibindi. gucecekesha abantu byrananiranye nkaswe Imana.

Uyu mugabo aza mu Rwanda habanje gutegurwa abazamwakira( DMI) harimo abamutembereza bamwereka abahaze gusa bagahisha abashonje ( Mwibuke Louis Michel waruturutse mu Bubirigi bamushakiye akanyogwe!), Kwerekana inyubako za Nyarutarama ntibamugeze hepho yaho aho bita Bannyahe, bakamushakira abavuga ibyo Kagame ashaka gusa yasaba kugira umuturage bavugana bakamuzanira intore cg inkeragutabara nayo babanje kuyibwira ibyo iribuvuge.

Agashya kamaze kumenyerwa nukuntu niyo Kagame ari bubonane n'abaturage hatoranwa mu bwihisho abaturage bari bubaze ibibazo, hakajonjorwa ibyo bashaka ko bihita ibindi by'akarengane banyirabyo bakangirwa gutambuka ngo babibaze( muzarebe uko baba babashyize ku murongo) maze hakongerwamo abashimira,abagabira Kagame inka, abasabiriza aba nibo baba ari benshi, nyamara ibibazo ari byinshi.

Ikindi kibazo n'urwikekwe n'uburozi buri gutangwa ariko mwitegure ababa hanze y'igihugu hari abanyeshuri nako DMI zizaza muntangiro y'amashuri umwaka utaha cyane mu Bubirigi, Bwongereza, Canada, Africa y'epfo n'ahandi. Mube maso dore abakubutse mu Bubirigi barimo n'itsinda ry'abanyamakuru ngo baje mu ma formation( yahe aragatabwa ko arurwitwazo ngo babone visa) bacyuye umunyu bashakaga cyane umusaza(T.F.R) kumurasa cyangwa kumuroga , Micombero, Kabalisa, n'abandi. Byose ntacyo bagezeho ariko mube ry'iso abafite rimwe(kuko harabatarabona neza uko Kigali imeze nabi) mube maso abamaze kubona ububi bwa kagame n'agatsiko ke.

umuvumbuziwintore 15/06/2014 16:26

Ibyo yegeranije nibike cyane ugereranije nibiri kuba kuko noneho DMI za saze si gusa. Umuhutu uvuze ibitagenda yari ari mugihugu ishimutwa ako kanya atahita yicwa agashinjwa kubiba bamacakubiri, igengabitekerezo ya jenocide no gukorana na FDLR.

Umututsi uvuze iko byakagenze bihindurwe gutya arahita ashimutwa adahise yicwa aricwa urubozo bamautegeke kwemera ibyaha atakoze ashinjwa gukorana na RNC,FDLR, gutera ibisasu.

Abanyamasengesho Uwiteka arababwira ubwiru bwibigiye kuba DMI zoherejwe mu nsegero (cyane ADPER) zikabafatira kumuryango w'urusengero ntibongere kubona izuba, nyamara ntagihugu kitagira abahanuzi n'abakuru! aberekwa kubera gutinya ntibakerura ngo bavuge ibikomeye ngo turusheho Gusenga ahubwo bari kubivuga bazimiza urugero: Kagame arapfuye = igiti kiraguye n'ibindi. gucecekesha abantu byrananiranye nkaswe Imana.

Uyu mugabo aza mu Rwanda habanje gutegurwa abazamwakira( DMI) harimo abamutembereza bamwereka abahaze gusa bagahisha abashonje ( Mwibuke Louis Michel waruturutse mu Bubirigi bamushakiye akanyogwe!), Kwerekana inyubako za Nyarutarama ntibamugeze hepho yaho aho bita Bannyahe, bakamushakira abavuga ibyo Kagame ashaka gusa yasaba kugira umuturage bavugana bakamuzanira intore cg inkeragutabara nayo babanje kuyibwira ibyo iribuvuge.

Agashya kamaze kumenyerwa nukuntu niyo Kagame ari bubonane n'abaturage hatoranwa mu bwihisho abaturage bari bubaze ibibazo, hakajonjorwa ibyo bashaka ko bihita ibindi by'akarengane banyirabyo bakangirwa gutambuka ngo babibaze( muzarebe uko baba babashyize ku murongo) maze hakongerwamo abashimira,abagabira Kagame inka, abasabiriza aba nibo baba ari benshi, nyamara ibibazo ari byinshi.

Ikindi kibazo n'urwikekwe n'uburozi buri gutangwa ariko mwitegure ababa hanze y'igihugu hari abanyeshuri nako DMI zizaza muntangiro y'amashuri umwaka utaha cyane mu Bubirigi, Bwongereza, Canada, Africa y'epfo n'ahandi. Mube maso dore abakubutse mu Bubirigi barimo n'itsinda ry'abanyamakuru ngo baje mu ma formation( yahe aragatabwa ko arurwitwazo ngo babone visa) bacyuye umunyu bashakaga cyane umusaza(T.F.R) kumurasa cyangwa kumuroga , Micombero, Kabalisa, n'abandi. Byose ntacyo bagezeho ariko mube ry'iso abafite rimwe(kuko harabatarabona neza uko Kigali imeze nabi) mube maso abamaze kubona ububi bwa kagame n'agatsiko ke.

sarha 16/06/2014 01:09

Umuvumbuziwintore we!komera mbanje kukwiduhuliza!
niko se ibi uvuga koko niba ali ukuli ndakwemeye!ko biteye ubwoba!wabivumbuye ute!?kuko ndabona bikomeye!!niba DMI ili hose ko dushize!?

sarha 16/06/2014 01:09

Umuvumbuziwintore we!komera mbanje kukwiduhuliza!
niko se ibi uvuga koko niba ali ukuli ndakwemeye!ko biteye ubwoba!wabivumbuye ute!?kuko ndabona bikomeye!!niba DMI ili hose ko dushize!?