Inkomoko y'umuvumo ku gihugu cy'u Rwanda kuva ku ngoma ya Kigeli wa III Ndabarasa kugeza ubu!

Publié le par veritas

Ikarita y'u Rwanda mbere y'Ubukoloni

Ikarita y'u Rwanda mbere y'Ubukoloni

Akali imuroli mutabwiwe ku mateka y’u Rwanda / Ubuhanuzi bwa Nyirabiyoro nk’umuvumo yagejeje ku mwami Kigeli III Ndabarasa (1708-1741), uwo muvumo uzamukulikirana, we n’ingoma ye n’abayobozi bazamukomokaho ndetse no ku Banyarwanda bose (aribyo byitwa « Ishambagizwa »).
 
Tumaze kubona ko abanyarwanda aho bali hose, ali abali mu gihugu imbere cyagwa hanze, ali abayobozi cyangwa abayoborwa, ali abakuru cyangwa abato, bose bahora mu byuma bya kabuhaliwe (mudasobwa), bakomeza kubaza umugabo witwa GOOGLE ngo ababwire icyo abitse cyose munda ye (Mudasobwa) cyerekeye ibyo Nyirabiyoro na Magayane bahanuye byerekeranye n’urugendo rurerure abanyarwanda bazagenda kugirango bagere mu gihugu gitemba amata n’ubuki.
 
Mbere yo kubagezaho ubuhanuzi nyilizina, byaba byiza mbanje kubagezaho muli make amateka y’igihugu cyacu ali nayo yatumye imana ivuma Umwami w’u Rwanda Kigeli III Ndabarasa w’Umu Hima-Tutsi kimwe n’abazamukomokaho, kimwe n’aba Hima Tutsi bamugaragiye ndetse n’u Rwanda n’Abanyarwanda bose. Uwo muvumo ukomeje kutugiraho ingaruka, nkuko uwo muvumo wagejejwe kubaturarwanda unyujijwe mu buhanuzi bwa Nyirabiyoro ubyerekana, ubu urimo ugera ku musozo.
 
Abenshi iyo bandika, cyane abali hano imbere mu gihugu, bagarukira ku rupfu rwa Perezida Yuvenali Habyalimana, ibikulikiyeho bakanuma. Ibyo babireka kubushake kugirango hatagira umuntu ubica nk’ibitungwa ku manywa y’ihangu. Nanjye, kugirango ntinyuke kubyandikaho, nagombye kujya i Rubona rwa Nzoga y’i Murambi ya Byumba, aho bagandaguliye Mutagatifu Nyirabiyoro ngo ansabire ku mana ntinyuke kubagezaho ubu buhanuzi bwose n’icyabuteye.
 
AMATEKA Y’INKOMOKO Y’AMOKO Y’ABANTU BATUYE ISI KUGEZA KU RWANDA
 
AbaTwa nibo bambere batuye mu Rwanda, bali abahigi banatunzwe no guhiga hamwe n’imbuto zo mu ishyamba.
 
AbaHutu bali abahinzi, bakomoka ku moko anyuranye alimo aba Zulu n’andi moko ubwo yimukaga ava mu karere ka Haut-Nil muli rusange; by’umwihaliko ayo moko yavaga i Bunyoro agana mu karere k’Afrika y’amajyepfo. Ibitero by’AbaNyoro mu Rwanda mu binyejana bya 14 na 15, nabyo byasize abandi Banyoro benshi mu Rwanda bahise banahaguma. Igihingwa cy’urutoki mu Rwanda cyazanywe n’Abanyoro. N’aba Hutu b’i Burundi banyuze iyo nzira.
 
AbaHima-Tutsi : bali aborozi, bakomoka kub’AbanyEtiyopiya n’abaSomaliya, bahunze ibihugu byabo byalimo imvururu nyinshi n’amapfa, bazenguruka ikiyaga cya Victoria bagana mu majyepfo; bageze Ankolé ya Uganda bahahulira n’aba Cwezi  b’abaNilotiques. Abacwezi babyaranye n’abanya Etiyopiya n’abasomaliya babyara ubwoko bw’ABAHIMA. Aba Hima-Tutsi bageze mu Rwanda bavuye Ankolé, Ndorwa, Toro na Bunyoro. AbaTutsi biva ku ijambo “kutuuka”: aribyo kuva i mahanga.
 
Ijambo Hima lituruka ku izina Cham (soma Hamu) ly’umwe mu bahungu ba Nowa (Bibiliya, Itangiriro 9:18-29). Nkuko bibiliya ibivuga, akaba ari nako abayisirayeli babyemera, amoko yatuye isi nyuma y’umwuzure wayogoje isi aturuka ku bahungu ba Nowa, alibo Sem (soma semu), Cham (soma Hamu) na Japhet (soma Jafeti), abazungu batuye ahanini umugabane w’Uburayi bakomoka kuri Jafeti, abaturiye umugabane w’Aziya bakomoka kuri Semu naho abirabura baturiye umugabane w’Afurika bakomoka kuri HAMU. Kubayisirayeri, Abahutu, Abatutsi n’Abatwa bakomoka kuri HAMU.
 
Aho umuvumo waturutse ku birabura.
 
Nowa yanyoye divayi arasinda, yambara ubusa, umuhungu we Hamu, ubyara Canaan (Kanani) abonye se Nowa yambaye ubusa ahamagara bene nyina Jafeti na Semu arabibereka. Jafeti na Semu bazana uruhu, bagenda ikinyumanyuma kugira ngo batabona ubwambure bwa se (Nowa) baramworosa. Isindwe rimaze gushira muri Nowa, aza kumenya uko byamugendekeye, niko kuvuma Kanani umuhungu wa Hamu, bitewe ni uko umubyeyi we Hamu yahamagaye bene nyina akabereka ubwambure bwe aho kumugirira ibanga. Umuvumo Nowa yahaye Kanani n’abazamukomokaho yawuvuze muri aya magambo:”Kanani (umuhungu wa Hamu) aravumwe, azaba umucakara wa nyuma mubacakara a bene se”. Kanani yavumwe na Nowa kubera imyitwarire mibi ya se Hamu, ni aho umuvumo kubirabura waturutse.
 
Bimwe mu bihugu byatuwe n’abakomoka kuli HAMU wavumwe (umuvumo ku muhungu we Kanani) halimo Etiyopia yiswe igihugu cya Hamu aliho havuye ijambo Hamites bivuga abatuye igihugu cya Hamu. Hima biva kuli Hamite. AbaHima bageze mu karere k’ibiyaga bigali baturuka mugihugu cya Hamu (Etiyopiya). Niyo mpamvu iwacu mu Rwanda babita Hima-Tutsi.
 
Dore ikarita ya kera y’abayisirayeri yerekana uko urubyaro rwa Nowa rutuye isi
Ikarita y'isi y'abayisiliraheri yerekana imiturire y'amoko akomoka kuri Nowa

Ikarita y'isi y'abayisiliraheri yerekana imiturire y'amoko akomoka kuri Nowa

Uko amoko anyuranye y’abatutsi yageze mu Rwanda
 
Aba Hima-Tutsi bageze mu Rwanda mu byiciro binyuranye bifite amazina atandukanye bitewe n’ibisekuru byabo, nk’uko baje bakurikirana twavuga : Abarenge (Tutsi), Abazigaba (Tutsi) n’Abenengwe (Tutsi),hakurikiraho Abanyiginya (Tutsi). Ntibizwi neza igihe andi moko y’abatutsi (nk’Abega b’aba Tutsi) yagereye mu Rwanda.  AbaHimaTutsi uko bagiye bagera mu Rwanda mu bihe bitandukanye, nabo bagiye barwana hagati yabo bitewe n’ibice bakomokamo cyangwa bagapfa ibyo bemera abandi batemera (idéologie) cyangwa ubutegetsi.
 
Aba-Tutsi b’abazigaba bali batuye U-Mubali nibo bageze mu Rwanda mbere y’aba-Tutsi b’aba-Nyiginya. Umukurambere w’aba-Zigaba yitwaga Kabeja akaba ariwe wacumbikiye umukurambere w’aba-Nyiginya witwaga Sabizeze, waje ava muli Ankole. Aba Nyiginya bageze mu Mubali, Kabeja abakira neza biratinda, ubundi baza gukomeza bajya gushaka aho batura i Gasabo. Bivugwa ko Gihanga I Ngomijana wategetse mu myaka y’1091-1124 akomoka kuli Sabizeze aliwe watangije ubutegetsi bw’Abanyiginya (1ère Dynastie Hima-Tutsi Nyiginya).
 
Mbere y’uko aba Hima-Tutsi bagera mu Rwanda, aba Hutu bari basanzwe barutuye kandi bavugaga ururimi rw’I Kinyarwanda, n’umukuru w’abahutu yitwaga Umwami. Kubyerekeye iyobokamana, AbaHutu bali bafite ukwemera kwa GAHUZA- MIRYANGO naho AbaHimaTutsi bari bafite ukwemera kw’ABACWEZI. Lyangombe yali UmuTutsi w’UmuCwezi, akaba yarageze mu Rwanda azanywe na Ruganzu II Ndoli kandi bombi bali abanyamahanga bakomoka muli Karagwe ya Tanzaniya. Nta sano iri hagati ya Ruganzu  II Ndoli n’uwo bise Ndahiro II Cyamatare kuko na Cyamatare atigeze ba umwami w’u Rwanda. Uwabaye umwami ni Ndahiro II Bamara se wa Nsoro II Byinshi, umukurambere w’Abanyabyinshi alibo bavuyemo Abanyamurenge.
 
Lyangombe akaba aliwe washinze idini lyoretse u Rwanda bitewe n’uko aho kwambaza abakurambere babo, abahutu bayobotse Lyangombe, nibwo umuhutu yatangiye guhonyorwa n’umututsi. Umuhutu wese yagombaga kugira ati: « Lyangombe lya Data, Lyangombe lya Mama ». Lyangombe kandi ni we wazanye ndetse anashimangira ubuhake bw’Umu Hutu k’umu Tutsi, ababinyujije mu gutinya imana.
 
Inkomoko y’umuvumo  ku butegetsi bw’abatutsi n’u Rwanda muri rusange
 
Ifatwa ry’U-Mubali waje komekwa ku Rwanda ku ngoma ya Kigeli III NDABARASA niryo ryabaye intandaro yo kuvumwa kw’igihugu cy’u Rwanda, bigakururira ishyano igihugu!
 
Nyirabiyoro yali uwo mu bwoko bw’Abatutsi b’Abazigaba ba Kabeja, akaba yali umugabekazi (reine mère) wa Biyoro umwami w’u-Mubali wa Kabeja. Ingoma y’u-Mubali mu kinyejana cya 18 yali igizwe n’igice tuzi ubu cya Parike y’Akagera, hamwe n’igice cya Komini Murambi ya Byumba. U-Mubali wigeze no kugarukira ku Kiyaga cya Muhazi mbere y’uko i-Gisaka kiwusunika gato muri ako Kerere.
 
Umurwa mukuru w’u-Mubali wali wubatse ku kirwa cya Shango hagati mu kiyaga, icyo gihe icyo kiyaga cyali kinini cyane kikaba cyaritwaga I-Gishamba, ubu cyabaye Ihema.Icyo gihe u-Mubali wali utuwe cyane, naho ikiyaga cy’I-Gishamba, uko ibihe byagendaga bisimburana, cyakamukiye mu ruzi rw’A-Kagera hasigara ikibaya gusa n’ikiyaga cy’Ihema n’utundi tuyaga duto twinshi tugikikije.
 
Kigeli III Ndabarasa yakundaga kwibera mu Ndorwa, nubwo aliho yali ikimara gufatwa,  niho yali yarashyize umurwa mukuru w’u Rwanda i Kibungo mu karere kitwaga U-Ruhinda-rwa-Kajara, yazaga mu Rwanda aje kurusura. Hali uruzinduko rumwe yakoze mu Rwanda kubera ko abagore be bali bamaze kumuhimbira akalirimbo kamugaragarizaga ko bafite agahinda ko kutamubona (nostalgie). Aliko yahise asubirayo. Yifuje ko n’ingabo ze zakwimukira mu Ndorwa ziramwangira ahubwo zihitamo kuzajya zisimburana, zikigarukira kenshi mu Rwanda. Ingabo ze zafataga Ndorwa nk’ubutaka bw’amahanga (terre étrangère), kandi imvura y’aho yali imboneka rimwe, hali n’ubushyuhe bwinshi bwacaga intege abanyarwanda bashoboraga kujyayo ku bushake bwabo.
 
Mu buryo butumvikana, Kigeli III Ndabarasa yakunze cyane ako karere ntiyakavamo, amateka avuga ko yakundaga aba Himakazi bo mu Ndorwa kandi abinyujije ku bacuruzi b’abacakara b’Abarabu n’aba Hima-Tutsi, yali yaratsuye umubano n’Umwarabukazi wari uhatuye amugira n’inshoreke ye bakaba baranabyaranye abana biswe Ibigina. Ku ngoma ya Kigeli III Ndabarasa, ku Karubanda hali hagwiliye Abarabukazi bakoraga ubucuruzi bw’abacakara. Ubwo bucuruzi bwaramamaye bugera aho buba agahebuzo ku ngoma ya Kigeli IV Rwabugili.
 
Kigeli III Ndabarasa yabaye umwami w’umugome n’umwicanyi, utita na gato ku kababaro k’abaturage be. Yakundaga ubucuruzi bwo mu mahanga. Kigeli III Ndabarasa nubwo yakundaga kwibera mu Ndorwa, yakomeje kunoza umugambi wo gufata Umubali. Intasi ze zamugiliye inama ebyili zo kureba uburyo yahamagara Biyoro na Nyirabiyoro akabazana kubutaka bavuye mu kiyaga aho babaga, ubundi akabafata mpili; cyangwa se akohereza amato atwaye abarwanyi benshi bashoboraga kugaba igitero ku kirwa cya SHANGO.
 
Kigeli III Ndabarasa yahise asaba ko ibyo bikorwa byombi byategurwa icyalimwe. Hagategurwa uburyo batega umutego wo gukurura Biyoro na Nyirabiyoro bakabafatira ku butaka kandi hakigwa uburyo bwo kugaba ibitero ku Kirwa cya SHANGO, kugira ngo bigarulire ibimenyetso by’ingoma ya Biyoro (Tambour- emblème de la dynastie). Kuva ubwo, Kigeli III Ndabarasa abeshya Biyoro ko bagirana umugambi w’ubwiyunge hagati y’Ingoma zabo zombi U-Rwanda n’U-Mubali ; ati « nk’ikimenyetso cy’umubano mwiza, nkagushyingira umukobwa wanjye Nyabugondo». Biyoro yahise abyemera. Igikomangomakazi Nyabugondo bamujyanye i Shango haba ibiroli mu bukwe bw’igitangaza.
 
Mu by’ukuli uwo musambi Nyabugondo(umunyiginya wese aba ari umusambi kuko aricyo kimenyetso cyabo) wali ujyiye mu butumwa bw’ubutasi. Umuntu ya kwibutsa ko bene ayo macenga yali yogeye mu butegetsi bw’Abatutsi (commandos de charmes). Imyiteguro yo gutera I Shango imaze kunozwa, Kigeli III Ndabarasa yaje gutura I Rubona-rwa- Nzoga hafi y’i Murambi mu Mutara ku mupaka w’u Mubali. Yatangiye ibiganiro bya nyirarureshwa na Biyoro, asaba Umwami n’Umugabekazi b’u-Mubali (umukwe na bamwana) ko bahulira mu nama yihutirwa kugira ngo bigire hamwe inyungu za buli wese.
 
Abacuze uwo mugambi ntiwabahiliye wose, bawugezeho igice kimwe, kuko Biyoro na Nyirabiyoro mu kwitabira inama y’i Rubona, baje ukubili, nkuko amategeko y’imihango nk’iyo yagengaga U-Mubali yabiteganyaga. Ni uko intumwa za  Kigeli III Ndabarasa zali zoherejwe gusanganira abashyitsi ngo zibafate bugwate, zahise zisimbukira ku gice cya mbere cy’abashyitsi ubundi zifata mpili Umugabekazi Nyirabiyoro. Igice gikulikiyeho cyamenye uko byagenze kibibwiwe n’abarokotse mw’ifatwa ry’abali imbere. Ubwo Biyoro asubira inyuma. Aliko ntiyashobora gusubira i Shango, kuko amato yali yamaze kugeza abarwanyi benshi ba Ndabarasa i Shango, aho bali mu ntambara ikaze n’ingabo zalindaga umwami w’U-Mubali (Biyoro). Kubera gutungurwa, ingabo z’U-Mubali zaratsinzwe, ingabo za Ndabarasa zahise zifata umwamikazi Nyabugondo (umugambanyi), zinafata mpili ingoma Sera II yarangaga u Mubali. Ubwo nta kundi Umwami Biyoro yali kubigenza, yahise ahungira muri Karagwe yayoborwaga n’Umwami Ndagara II.
 
Kigeli III Ndabarasa akibimenya, yahise yohereza intumwa kwa Ndagara II kugira ngo abahe Biyoro, amutumaho muli aya magambo: « kuva ku bwa Ruganzu II Ndoli, kirazira ko abami b’u Rwanda batera Karagwe. Aliko nutampa Biyoro waguhungiyeho, uzaba ukuyeho kirazira, nzaza kumwishakira ku ngufu ». Kubera ko Ndagara II yali azi ibya Ndabarasa, ntiyategereje ko babimusubiramo kabili, yahise abaha Biyoro bamuzanira Kigeli III Ndabarasa, Biyoro yakorewe iyicarubozo imbere ya Nyina Nyirabiyoro. Nyuma Nyirabiyoro nawe yaje kwicwa amaze kuvuma by’igihe kirekire Umwami n’ingoma ye yose ndetse n’Abanyarwanda bose.
 
Hagati aho, i Rubona-Rwa-Nzoga, Umugabekazi (Umuhanuzi)  Nyirabiyoro, yiyicishaga inzara, yanze ibiryo ibyo alibyo byose ndetse nicyo kunywa. Aliko abonye bazanye umuhungu we Biyoro azilitse akandoyi (amapingu), Nyirabiyoro yemera kwisubiraho abwira Kigeli III Ndabarasa ati: “ nimumpe inzoga y’ubuki (Inkangaza)”. Amaze gusomaho, alitsa ubundi avuga ijambo lyamenyekanye cyane ryahindutse umugani, ati: “Ngaye inda, ngaye Ndagara (umwami w'i Karagwe)”. Bivuga ngo hagayitse umubili usaba umwanzi ibyo kurya, hagayitse Ndagara wagambaniye umubyeyi wali wamugiliye icyizere akamuhungiraho. [Aha twakwibutsa abasomyi ko: urwagwa  rwari rwaraciwe mu birori na Yuhi III Mpazimpaka, kubera ko  yarunyoye agasinda bigatuma yica intore zari zamutaramiye. Ubwo kuva icyo gihe urwagwa Mpazimpaka arwita ingunge, aruca mu biroli].
 
Nyirabiyoro yanabwiye Ndabarasa ati: “Umpaye ingunge nali umwami nkawe? Nanjye nkugunze iliza ya Mubali ho mu Mazinga, aho yimiraga mu Kiraro”. Kigeli III Ndabarasa yazanye abana be abereka Nyirabiyoro ati: “muli aba, Umwami ni uwuhe?” Nyirabiyoro ati: “Umwami aracyali mu mpuzu”. Koko  Gahindiro wabaye umwami yarataravuka. Kigeli III Ndabarasa ati: “uli incike”.  Nyirabiyoro ati: «nubwo unyise incike, nawe ninkaho uliyo kuko wabyaye ibigina (ibyotara = abana yabyaranye n'umwarabukazi) ».
 
Ni uko, nkuko umuco wabiteganjyaga, Nyirabiyoro asaba Kigeli III Ndabarasa uburenganzira bwo kuvuga ijambo lya nyuma. Ni uko Nyirabiyoro araterura ati: “Mwami Nyilicyubahiro, kuki mukorera aya marorerwa umukwe n’umuryango mwashyingiyemo umukobwa wanyu Nyabugondo wakiranywe mu Mubali ibyubahiro bikwiliye umugore w’u Mwami.  Ni gute wiyibagije ibyo umukurambere wacu Kabeja yakoreye abakurambere banyu? Murica abantu nk’ibitungwa, Umenye ko imitungo iturutse ku buhemu  ntacyo imalira umuntu. Kubera iyicarubozo wowe ubwawe n’aba Tutsi b’AbanyaRwanda bakugaragiye mukora, UMUVUMO UKOMEYE, uzaba karande wugalije ingoma yanyu n’ibyegera by’abaTutsi b’AbanyaRwanda kandi bihereye kuli mwe bikazagera no ku Rwanda rwose. Niba Mwami ubyemeye, niteguye gutanga intsinzi aliko ukarekura umuhungu wanjye Biyoro akaba n’umukwe wawe”.
 
Nyirabiyoro yakomeje abagezaho umuvumo muli aya magambo: “Wabyaye ibigina bitazagira icyo bimalira ingoma. Nyuma y’ingoma eshatu niho hazaza Rwagitinywa uzarasana inkundura mu myambi y’ibishilira. Azaganza, aliko igitero azagaba hakurya y’amazi magali kizamusama. Umunsi Rutamu yatsindiliwe kuli Sine ikayitera umugeli igatora iyayo bizagenda bite? Rukara mbona rurebera mu ihembe, umunsi yacumitanye na Rutamu ko mbona azarutera amacumu akarutwikira mu nzu nk’umugome, rukota ku manywa rugakonkoka. Urankangisha se Rukara rutwaliye urumoso rutsinze umusaya?
 
Ko mbona se ibigenzi bifite uruhu rutukura nk’urw’impinja bizaza bitereye amasuka ku ntugu, azabikizwa n’iki? Ese ko mbona ikinyamaswa gihetse ikindi giturutse mu Mubali wa Kabeja azagikizwa n’iki? Ese iliya nyamaswa izatera umulizo I Karagwe undi ikawutera i Bunyabungo wowe urayibona? Biliya bigenzi bifite uruhu nk’urw’impinja ko Rukara abirebera mu ihembe, azabigamburuza? Bizagenda bite? Ko mbona Rukara rwonkereje nyina mu muraru maze rukagwa igihugu igiculi? Urankangisha Rukara rw’incike mbona ruzagenda hasi no hejuru, rukangenda mu nda y’inzovu, halimo ibuye livuza ubuhuha: narwo ruzagwa ishyanga hakagaruka umurambo?
 
Urankangisha Rukara rw’igisage rutazambara ikamba, rukazaraza aliko ntirusamure, maze rukazagaruka mu Rwanda rushaje? Dore nta kabuza u Rwanda ruzarara nze. Ndabona ba bagabo b’urutuku igihugu bakigabije umubambuzashakwe. Ese zirajya he Kalinga, Cyimumugizi, Mpatsibihugu na Kiragutse? Dore umunsi imbwa zambaye ingoro, ingoma ivugira mu Marangara ku munsi wa Ngirente, ababyeyi bazifuza kuba ingumba. Ubwatsi bwo munsi y’inzira buzahura n’ubwo haruguru yayo, maze arugenge Nyangufi. Aliko aliyimbire kuko amugenda runono Rukara rw’igisunzu rugoreka amagambo. Rukara rw’igisunzu rwambaye utubuye tubengerana ku ntugu azirenza Nyangufi, igihugu akigabize umugore. Ndabona abasangirangendo balyana ijoro n’umunsi bamwe bashyirwa kungoyi. Ruganzu yambuka Akagera ashinga imipaka i Karagwe yunga ubumwe n’abavantara. Aliko Rukara rw’igisunzu rugenda rutseta ikirenge aliriwe ntaraye.
 
[Tubishyize mu mbonerahamwe, umuvumo wa Nyirabiro usobanurwa muburyo burambuye n’ubuhanuzi bwa Magayane, dore uko aba bahanuzi bombi bavuze irangira ry’ubutegetsi bwa HABYALIMANA Juvénal mwene NTIBAZILIKANA n’ubutegetsi bwa Paul KAGAME mwene RUTAGAMBWA].
NYIRABIYORO
MAGAYANE
 
… Aliko Rukara rw’igisunzu rugenda rutseta ikirenge aliriwe ntaraye. Uru rugamba mbona ararurwana ahereye he ? Aragoreka amagambo aliko  niyiyimbire ndabona aguye mu mibyuko. Igihugu gicura imiborogo, intore zigarura ituze, intebe ihabwa Rukirigitangwe rwa Mudatinya akarangwa n’uruziga mu mboni. Ihumure liragaragara ariko ndabona bacuranwa: abana bose ntibahabwa ijambo.
 
Ndabona Rwego Rukangurashyamba afite inkoni y’icyuma mu ntoki. Ndabona imandwa zisatira ku mulinzi zisakabaka. Ese ko ntabona uyoboye imihango umukuru ngombwa arava he?
 
Ndabona Rukirigitangwe rwa Mudatinya ashinze icumu i Bunyabungo bavuga amacumu abakuru b’ingabo. Ndabona i Karagwe habaye ingaruzwamuheto abavuzi b’amacumu balizihirwa. Ko mbona se U- Rwanda rushubijwe bene rwo aliko umwezi ntutambe? Ko mbona Rutuku agaruye induru impundu zikabura?
 
Dore ubwatsi bwo munsi y’inzira bwongeye guhura n’ubwo haruguru yayo. Aliko ndabona umugabo usheshe akanguhe uvuga isi igatigita ababyeyi bakamuha impundu. Ndabona Rugili mu nda y’inyoni ahageze aramira ingoma. bamuha ijambo atangariza  bose ati U-Rwanda ndarubogoye. Dore yegereye ku mulinzi Ruterandongozi. Ashagawe n'abaturage ibihumbi n'ibihumbagiza. Ndabona Rutuku amusanga afashe uruboho mu ntoki, bamuhaye ijambo : Ahumuliza abaturarwanda, Atangaliza bose ati : « U-Rwanda ndarubogoye » Impundu zivuga urwanaga. Maze u Rwanda rutemba amata n’ubuki !
 
 
… Dore uko yavuze: wowe Habyarimana ndagukandagiye ugiye kugwa ku kibuga gikikijwe n’imfunzo kandi nupfa Kigali izuzuramo intumbi agahiryi. Ibimenyetso ni abazungu bazaza kugukanga nawe ukazashyira mu bitugu byawe mu bushoroshori umugore w’umugambanyi, inyamaswa y’ihembe rimwe izaba ibiyogoza mu rukiga na Ndorwa, iyo nyamaswa izakwira u Rwanda imena amaraso menshi, izaguhitana nta kabuza, keretse weguye.

Habyara ati : «shaka intsinzi » ; Magayane ati : « ntayo, ati ubutegetsi bwawe buzafatwa nabo bavantara, bazigera kino gihugu, nyuma bazakivanwamo nk’ubufindo ». Magayane ati: «uzasimburwa na Rusukumo ruzamara amezi atatu, hakurikireho Bihwahwa wo ku ruzi rw’iwanyu, nyuma ye ngo hazategeka Rwabujindiri rurya ntiruhage; uwo Rwabujindiri azajegezwa ihembe inshuro enye ».

Ihirikwa rya Rwabujindiri rizagenda ritya : Magayane ati: azaraswa umwambi w’igishirira na bene nyina ari mu Bugesera nyuma hazameneka andi maraso menshi, noneho rutuku wamuhaye ubutegetsi ashyireho umusaza usheshe akanguhe uzaba ari inyuma y’igihugu azane ihumure, acyure Rukara rw’ibisage ruzabyinirwa bigatinda. Abantu bazaba baragiye ishyanga bose batahuke, habeho umunezero n’uburumbuke n’amahoro ya nyayo.
 
Uko bizamera ingoma ya Rwabujindiri igeze mu marembera:
Hazabaho isubiranamo ry'abiyicaje ku ntebe. Hazabaho inzara, agahili n'agahinda, no kwiyahura. Hazabaho urwikekwe yewe n’umwana azatinya se na nyina ; hazabaho amalira yuzuye intango ku bali mu bihome, hazabaho ibisahira-nda birya akaribwa n’akataribwa, bazakora ibishoboka byose ngo batsinsure Rwara rw' umugara rubundiye mu mashyamba, nyamara nabyutsa umugara igihuru kizabyara igihunyira. Bazafatanya n’abanyamahanga, nyuma bibe zero, ahubwo intambara yongere itangire ikazahagarikwa na l'ONU ya gatatu ».

Magayane ati : « uwo rutuku uzaza agahagarara hagati y'abazaba barwana, niwe uzatoranya umutegetsi. Hazabaho inyoni z'uducurama zizarika mu biti by'abo biyicaje ku ntebe. Hazabaho ibika ry' isake isura urwimo ikigera ku mutambiko w' urusenge, Hazabaho abandi bazahanura nkanjye bakabizira. Hazabaho ihene izabyara isekurume indwi zange konka. Umwami w' ishyamba azaza kwiba ».
 
Magayane yabisubiyemo inshuro eshatu ati: aba bavantara baturutse i Bugande
bazafata kino gihugu nta kabuza, ati: ariko bararye bari menge kuko bazakibavanamo kandi nabi.
 
 
Nyirabiyoro arangiza ijambo rye yasabiye umuhungu we Biyoro imbabazi bityo akaba yari yiteguye gutanga intsinzi. Bitaba ibyo, uwo muvumo ukomeye ukazabakulikirana kugeza mu bihe bya kera cyane. Umwami yasabye Nyirabiyoro gusubiramo ubwo buhanuzi kandi asaba Abiru b’i Bwami kubufata mu mutwe. Birangiye Kigeli III Ndabarasa abifata nk’iterabwoba, nyuma ategeka ko babanza kwica Biyoro, umwami w’u Mubali, kandi bakamwica urubozo buhoro buhoro, imbere ya nyina Nyirabiyoro wari Umugabekazi w’u Mubali abireba n’amaso ye. Nyuma yaho ategeka ko bica Nyirabiyoro, ati « bizabe uko byakabaye (advienne que pourra !), nta ntsinzi yawe nkeneye ».
 
Kuva icyo gihe, Abazigaba bakomoka kuli Kabeja barahunze, abandi bigira abahutu. Aliko, ningombwa gutandukanya Abazigaba bakomoka kuli Kabeja n’abakomoka kuli Kazigaba, kuko abazigaba bakomoka kuri Kazigaba bose ali abaTutsi. Abazigaba ba Kabeja, bahora batekereza umukurambere wabo Kabeja n’intwali zabo Biyoro na Nyirabiyoro. Babonye ibyagiye bikulikira nyuma y’ubuhanuzi nkuko byavuzwe, bemeza ko Kigeli III Ndabarasa yishe umutagatifu koko.
 
Mu misozi y’ibiyaga bigali by’Afulika, ingoma y’abami b’Aba Hima-Tutsi, niyo yaminuje mu bwicanyi ndenga-kamere butigeze buba ahandi. Izindi ngoma zasaga n’izishyira mu gaciro, zikadohora, yewe n’u Burundi ntibwagejeje ah’ Abami b’u Rwanda.
 
Ngayo nguko, ngaho ahavuye umuvumo ukulikiranye abanyarwanda kuva kuli Kigeli III Ndabarasa kugeza kuli Rukiligitangwe rwa Mudatinywa (Kagame Paul ka Rutagambwa) uzagamburuzwa na Rwego Rukangurashyamba aliwe Magayane yita Rwara rw’Umugara rubundikiye mu mashyamba ya Kongo !
 
Mubigejejweho n’Umusomyi wa VERITASINFO

Commenter cet article

Muganda 07/12/2015 16:40

yewe data we! ubu c kdi hasigaye iki? karabaye rero

Mvuyekure 03/07/2014 03:50

IKINDI NIBAGIWE KUBABWIRA...

Mushake mu bihugu byose aho mwatataniye, muperereze nka CIA, niMUBONA ABAHANUZI mwagereranya n' ab'i RWANDA, usibye bamwe baraguza imitwe, basoma mu biganza, bareba inyenyeri' cg bamwe mwumva biyita "meteorologists" ...

YEWE NI MUBONA N' UMWE USIBYE MU BIYAGA BIGALI, by' umwihariko mu Rwanda, muzahabwa Zahabu toni 14.

Ntimuzambwire "Nostradamus" kuko nabaseka cyane, ngapfa

Mvuyekure 03/07/2014 03:40

NGUKOSORE!!!

HARI WAGIZE UTI:

"... abazungu batuye ahanini umugabane w’Uburayi bakomoka kuri Jafeti, abaturiye umugabane w’Aziya bakomoka kuri Semu naho abirabura baturiye umugabane w’Afurika bakomoka kuri HAMU. Kubayisirayeri, Abahutu, Abatutsi n’Abatwa bakomoka kuri HAMU."

NCUTI YANGYE WIBESHE CYANE!

1) ABAZUNGU bose aho bava bakagera bava kuri ESAWU/EDOM. Musome muri Bibiliya ibijyanye na Esau n' urubyaro rwe rwose "Edomites" mwihitiremo. Genesis 25:25 niho tumenya ubwoko BUSHYA kubirebana n' uruhu! Japhethites bose nabo bari ABIRABURA. Nta hantu na hamwe bavuga ko Japheth yari atandukanye na bene nyina ku ruhu!

2) BARIYA BATUYE ISRAEL muri iki gihe ni "impostors". a) Bakubwira ko Judaism yabo ishingiye ku myizerere yabo "and not parental lineage" b) Birobanura kuri bene wabo (Rutuku) bakurikije ibisekuru bya ba NYINA (byumvikane ko ari Bastards). Dore icyo Bibiliya ibavugaho:

-Revelation 3:9 "Behold, I will make them of the synagogue of Satan, which say they are Jews, and are not, but do lie..."
-Revelation 2:9 "...and I know the blasphemy of them which say they are Jews, and are not, but are the synagogue of Satan."

3) ARABIANS/ARABS/ABARABU ni Abarabu Nyine, ntabgo izina ryabo Rutuku yigeze arihindura muri Bibiliya.
-Act 2:11 "Cretes and Arabians..."
-2Ch 22:1 "And the inhabitants of Jerusalem made Ahaziah his youngest son king in his stead: for the band of men that came with the Arabians..."

4) ABAYAHUDI/ABAHEBURAYO bose uko bakabaye basa n' urubyaro rwa Ham. Kandi Israeli yagiye ikunda gushakana na Ham, kuburyo ndetse bamwe mu rubyaro rwa Yakobo basa n' urubyaro rwa Ham. Urugero ni Paul witiranyijwe n' Abanyegiputa.

-Acts 21:38 "Art not thou that Egyptian..." Abaromani bashobora guhita bamenya Umuyahudi batiriwe bajya kure. Nk'uko batangajwe no kumva Paul avuga ururimi rwabo, kandi ari/asa n' Umunyagiputa. Ndetse na Mose yashakanye n' umunyaEthiopian, na Joseph Yasaga n' abanyegiputa (Sudanese). Yewe ingero ni nyinshi cyane...

-ABANYEGIPUTI B' UKULI NTABGO ARI ZIRIYA MVANGE ZITUYE HARIYA MWITA EGYPT. AHUBWA BARIYA BANYESUDANI B' IBIKARA (SUDAN DU SUD) => Ezekiel 29:14 "And I will bring again the captivity of Egypt, and will cause them to return into the land of Pathros [Upper Nile Region = S-(Y)UDA-NI, into the land of their habitation; and they shall be there a base kingdom.


5) ABIRABURA BOSE NI "IBIKARA" cg se INZOBE "RUDDY" NKA DAWUDI SE WA YESU KRISTO

NTA RUTUKU (EDOMITE) WIGEZE AHINDUKA UBWOKO BW' IMANA! UBU NI NABO BAYOBORA ISI NK' UKO UBUHANUZI MULI BIBILIYA BUBIVUGA..

Dore impamvu bose ari abirabura:

&&&&&&&&&&&
Lamentations 5:10" Our skin was black like an oven because of the terrible famine. Mwari mwabona RUTUKU (EDOMite) uruhu rwe RWIRABUYE kubera iya RUZAGAYURA? Ni umubona uzamenye ko urwaye amaso, cyangwa se wagenderewe n' abazimu.

Job 30:28 "Je marche noirci, mais non par le soleil; Je me lève en pleine assemblée, et je crie."
Job 30:30 " Ma peau noircit et tombe, Mes os brûlent et se dessèchent." or "My skin is black upon me, and my bones are burned with heat"
Song of Solomon 1:5 "Je suis noire, mais je suis belle, filles de Jérusalem, Comme les tentes de Kédar, comme les pavillons de Salomon."
Song of Solomon 1:6" Ne prenez pas garde à mon teint noir: C'est le soleil qui m'a brûlée"
Jeremiah 8:21 "For the hurt of the daughter of my people am I hurt; I am black; astonishment hath taken hold on me."
Jeremiah 14:2" Judah mourneth, and the gates thereof languish; they are black unto the ground; and the cry of Jerusalem is gone up."
Lamentations 4:8 "Leur figure est plus sombre que le noir, on ne les connaît pas dans les rues; leur peau s'attache à leurs os, elle est sèche comme du bois"
Joel 2:6"Before their face the people shall be much pained: all faces shall gather blackness."
Nahum 2:10 "She is empty, and void, and waste: and the heart melteth, and the knees smite together, and much pain is in all loins, and the faces of them all gather blackness."
&&&&&&&&&&

MUCUNGANE N' IJAMBO "NOIRE/BLACK/SKIN"


6) ABANYARWANDA NI ABAYAHUDI 100% NTIBAVANGIYE HABE NA GATO (IRYO NI IBANGA BA RUTUKU BADASHOBORA GUTINYUKA KUBIBIRA... ARIKO ABO HEJURU BARABIZI BYOSE)

Dore ibanga aho riri (kuri babandi bafite amaso ntibabone)

*Zephaniah 3:10 "From BEYOND THE RIVERS OF ETHIOPIA (CUSH) my suppliants, even the daughter of my dispersed, shall bring mine offering."

=> BEYOND THE RIVERS OF ETHIOPIA = GREAT LAKES REGION or LIFT VALLEY AREA

REKA NAKORESHE N' IZINDI VERSIONS ZA BIBILIYA N' UBWO ZAVANGIWE BWOSE:

*(NCV) People will come from where the Nile River begins; my scattered people will come with gifts for me.
***(GW) From beyond the rivers of Sudan my worshipers, my scattered people, will bring my offering.
(HNV) From beyond the rivers of Kush, my worshipers, even the daughter of my dispersed people, will bring my offering.

Nimubona RUTUKU ufite inkomoko "from BEYOND THE RIVERS OF ETHIOPIA/CUSH/SUDAN" muzaze mumbaze icyo munywa cyose... Muzagihabwa!


ikindi mugomba kumenya ubu buhanuzi ntibwari BWASOHORA! IBI BISABA ABASOBANUKIWE BIBILIYA YOSE!!!

&&&&&&&&&&&&
Muli make rero ngo : "UWAMBAYE IKIREZI NTAMENYA KO KERA".

Mvuyekure 03/07/2014 02:34

Nkosoye abubu; ijambo "IMANA" cyangwa se "Imana" rigomba GUTANGIZWA n' inyuguti nkuru! Kuko abazi ikinyarwanda kinonosoye bazi ko ijambo "imana" bivuga "god/dieu" mu ndimi z'amahanga bisobanura "ibigirwamana".

Umuntu wese rero wandika ijambo "imana" ngo niyo Abanyarwanda basenga, aba ADUTESHA agaciro! Abakurambere b' AbanyaRwanda bamenye Imana (Yaremye Ijuru n' Isi) mbere ya ba Rutuku!

Murakoze!

FDLR 29/06/2014 22:29

Ahubwo se ko ndeba Kagame yaba ari Ndabarasa wazutse. Izo ntore zivugwamo ntimuzi ibyazo. Uwo Biyoro na Nyirabiyoro bari abazigaba, Kayumba Nyamwasa ni umuzigaba, usibye ko ndeba yamunaniye. Ndabarasa yashatse gutera Karagwe, none aragarutse muri Kagame ati Karagwe ndakurasa. musome neza; amateka yisubiramo koko.

Mvuyekure 03/07/2014 05:09

Nanjye ni ubwa mbere numva ko ABAZIGABA ari Abatutsi! Nizo ngaruka z' AMATEKA y' uruhererekane mvugo!

Uyu mugabo akaba azanye AGASHYA, ariko buriya ashobora kutwubwira aho ibyo yabivanye...

Solange Kwizera 30/06/2014 23:51

Ntawaturusha, mbese abo bakomoka kwa Kabeja babahe ubu? Mbese bose bigize abahutu? Ko mbese mu bitabo bya Kagame Alexis bavuga ahubwo ko Kabeja uwo yari umuhutu wakiranye ineza abatutsi igihe binjiraga baturutse muri Ankole bakamusanga Mubali aho yar mwami? Mbese aya mateka twamenya igitabo mwayakuyemo ngo tuzisomere?
Murakoze

humura 29/06/2014 16:15

Bngvandimwe rwose twe kuvanga bintu,muli buriya buhanuzi bavuga ko bavumye Rwanda nubwo inkomoko ari umututsi wayoboraga;ariko hari abatutsi beza rwose,batameze nka ziriya mpehe ,zitanababarira abacitse ku icumu.Bamwe mulibo bibeshye kuri Kagame bagirango arabakunze.Kagame ntamuntu akunda sinzi niba nawe yikunda.Naho ubugome ni hose mu moko,ubugoryi buba mu moko yose.Kungoma ya Habyara ,Nsekalije ntiyavuze ngo "umwana wa Bourgmestre ntiyabura ishuri ngo nuko uwumukene yatsinze,ngo kuko umukene azi guhinga rero uwa bourgmestre kuko atamenyere guhinga niyo yatsindwa yabona ishuri.Kuko nidukomeza kujya turengera ubwoko tutarengeye ubunyarwanda ntabwo twazavuga ukuri.ziriya nkenya se 1997 ntizari zinyirengeje si umubyeyi w'umututsikazi waduhishe mucyumba zamara kugenda akadushakira inzira.Bucyana wa CDR yatemaguwe nabande si abahutu nubwo ari umutego wa FPR. Lizinde se yayogoje abanyanduga nyuma akishyira abakinji.Kanyarengwe se muli za 63 yivugiye ko azuzura n"abatutsi umusatsi wongeye kumera,si we se wabaye urusika rutwikira amabi ya Kagame.abivugira ko batesheje umutwe Habyara bagatuma igihugu kijya mu kangaratete tuzabyibagirwe se?Abanyapolitike bariho baraduhemukiye bamwe bifatanya na ziriya za Sakabaka,ngewe nizera Uwiteka kandi mfite ibyiringiro ko tuzongera tubane amahoro,umuvumo mubi ni uva ku Mana,donc ikibi cya bamwe ntikitirirwe bose kuko mwaba mushinyagurira bariya batutsi biciwe na Kagame.dufatane munda wa mugani w'abarundi.
Harakabaho abakunda amahoro n'ubwiyunge.Rwandans forget,forgive,move up,abazanga baziyahure.

humura 29/06/2014 16:15

Bngvandimwe rwose twe kuvanga bintu,muli buriya buhanuzi bavuga ko bavumye Rwanda nubwo inkomoko ari umututsi wayoboraga;ariko hari abatutsi beza rwose,batameze nka ziriya mpehe ,zitanababarira abacitse ku icumu.Bamwe mulibo bibeshye kuri Kagame bagirango arabakunze.Kagame ntamuntu akunda sinzi niba nawe yikunda.Naho ubugome ni hose mu moko,ubugoryi buba mu moko yose.Kungoma ya Habyara ,Nsekalije ntiyavuze ngo "umwana wa Bourgmestre ntiyabura ishuri ngo nuko uwumukene yatsinze,ngo kuko umukene azi guhinga rero uwa bourgmestre kuko atamenyere guhinga niyo yatsindwa yabona ishuri.Kuko nidukomeza kujya turengera ubwoko tutarengeye ubunyarwanda ntabwo twazavuga ukuri.ziriya nkenya se 1997 ntizari zinyirengeje si umubyeyi w'umututsikazi waduhishe mucyumba zamara kugenda akadushakira inzira.Bucyana wa CDR yatemaguwe nabande si abahutu nubwo ari umutego wa FPR. Lizinde se yayogoje abanyanduga nyuma akishyira abakinji.Kanyarengwe se muli za 63 yivugiye ko azuzura n"abatutsi umusatsi wongeye kumera,si we se wabaye urusika rutwikira amabi ya Kagame.abivugira ko batesheje umutwe Habyara bagatuma igihugu kijya mu kangaratete tuzabyibagirwe se?Abanyapolitike bariho baraduhemukiye bamwe bifatanya na ziriya za Sakabaka,ngewe nizera Uwiteka kandi mfite ibyiringiro ko tuzongera tubane amahoro,umuvumo mubi ni uva ku Mana,donc ikibi cya bamwe ntikitirirwe bose kuko mwaba mushinyagurira bariya batutsi biciwe na Kagame.dufatane munda wa mugani w'abarundi.
Harakabaho abakunda amahoro n'ubwiyunge.Rwandans forget,forgive,move up,abazanga baziyahure.

ubu 28/06/2014 23:20

akarenze umunwa karushya ihamagara.indagu ni umwimerere wiwacu uzihakana aribeshya.ahubwo reka dusabe imbabazi z'ubuhemu bwabatubanjirije maze dutsinde umwanzi njye ndambiwe niyimyitwarire.papa yajyaga avuga ibyanyirabiyoro sinsobanukirwe !!!!!ubugome sibwiza.

Kami 28/06/2014 21:47

Yooo! ndatangaye cyane ! burya abatutsi biyita abayisilaheli kandi abo bayisilaheli bo bazi ko ntaho bahuriye nabo ahubwo bafata abatutsi nk'abandi birabura bose bo mu bwoko bwavumwe na Nowa!! Ahubwo abatutsi ndabona bafite imivumo 2, umuvumo wa Nowa n'umuvumo wa Nyirabiyoro ! Harahagazwe !!!

gashushu 28/06/2014 21:00

Hahahaha, muri fake kabisa abantu bemera biriya bigambo ngo ni indagu. Muzarinda mugwa iyo ishyanga mugitegereje, ubuse mubona u Rwanda rubaye iki ubu? Ubu nibwo rutemba amata n'ubuki, kandi suko ari indagu, ahubwo abanyarwanda baharanira ukuri barabikoreye, barangajwe imbere na His excellency Paul Kagame. Mwe amaso azahera mu kirereeee.

umuvumbuziwintore 29/06/2014 14:48

Ntabwo ari ibigambo n'ukuri nibura se wemera ko ibivugwa kuri Habyarimana bya sohoye uko byakabaye? Na Kagamé rero ubyemere,ubyange ntuzabibuza gusohora. Aririwe ntaraye!!

Agacurama 28/06/2014 16:56

ariko ko nigeze kubona uducurama twinshi cyane tubyina hejuru yurugo rwa Kagame mu Kiyovu, hari muri 2010 Kayumba amaze guhunga. Nahinze umushitsi nti ngaho nimundebere, ibyo niki?

umuvumbuziwintore 28/06/2014 16:30

Rwose mutwibukije iby'ubu buhanuzi mugihe gikwiriye, mukomere turarushaho kumenya aho ibihe bigeze.