Burundi: Ingabo z'Uburundi ziri mu mirwano ikaze n'umutwe wa FNL ku butaka bwa RDC

Publié le par veritas

Ingabo z'igihugu cy' u Burundi

Ingabo z'igihugu cy' u Burundi

Mu ntara ya Kivu y’amajyepfo Imiryango 500 yahunze imirwano yahanganishije ingabo za Leta y’Uburundi n’inyeshyamba zo mu mutwe wa FNL, kuri iki cyumweru taliki ya 22 Kamena mu gace ka Mwaba na Ruzia kuri kilometero 15 km uvuye mu mujyi wa Sangé (Sud-Kivu). Nk’uko umwe mu baturage babibonye yabitangarije urubuga rwa Okapi.net dukesha iyi nkuru aho yavuze ko aba bahunze berekeje mu duce twa Kimuka, Butendeko na Kajoro, kuri kilometero 6 gusa uvuye aho baturutse.
 
Yakomeje avuga ko inyeshyamba 2 zo mu mutwe wa FNL zahasize ubuzima ngo hakaba harakoreshejwe intwaro zoroshe n’iziremeye . Ngo izi nyeshyamba zikaba zaratunguye ingabo za Leta y’Uburundi ubwo zari ku mutekano zerekeza mu misozi ya Kagando-Kiliba (Sud-Kivu).Agahenge kabonetse mu gitondo cyo kuri uyu wa mbere.
 
Iki akaba ari kimwe mu bitero bya mbere by’iz’inyeshyamba ku birindiro by’ingabo z’Uburundi, kikaba cyarahitanye inka 12, ihene 8 ndetse n’intama 4.
 
Repubulika iharanira demokarasi ya Kongo ndetse na leta y’Uburundi bakaba barasinye amasezerano mashya mu Kuboza 2013 yo gushyira hamwe mu kurwanya inyeshyamba zirwanya ibi bihugu harimo n’umutwe wa Forces nationales pour la libération du Burundi (FNL).
 
Umuryango

Commenter cet article

pastor andre munonoka 25/06/2014 20:53

ndabashyigikiye rwose kandi mbasabira ku Mana kubw'uyu umurimo w'Imana ukomeye mukora igihe cyose muduha amakuru nyayo y'ibiri kuba mu karere k'iwacu. Ariko kuko tuyatanga ku bandi bashaka kumenya ibibera iwacu, ntimukizere source imwe, svp musabe amakuru abandi bantu 2 cg 3, tugire inkuru nyayo y'ibiri kuba kugire dusengere ibibera iwacu dufite amakuru nyakuri. Murakoze. Kuki mwakwizera ko Okapi.net ko ivuze ukuri? Mwe ni iki kibemeza ko abarwana muri Sud--Kivu aho hafi y'I Sange ko ari Ingabo z'uBurundi na FNL, none yaba atari FNL, yaba ari za ngabo ziherutse kwica abantu mu Rusengero hafi ya Kiliba cg zimwe muri za zindi mwatubwiye 800 zagejejwe I Kinshasa mu uku kwezi, ejo muzazumva I Bukavu zije gutera hakurya ya Rusizi zitwa FDLR, ariko Okapi.net izita, mujye mutohoza cyane, muvuge muti iyo nkuru ya Okapi.net tugiye gukurikirana amanyakuri yayo, tumenye abarwana abari bo. Murakoze. Ntimutangaze izina ryanjye. Umusomyi.